Yesu U Nyikele Vutomi Byakwe Hikwalaho Ka Vanhu Vo Tala

Yesu Kreste u byele vadyondzisiwa vakwe leswaku laha misaveni ‘a a nga telanga ku tirheriwa, kambe a a tele ku tirhela ni ku nyikela moya-xiviri wakwe wu va nkutsulo wa lavo tala.’ (Matewu 20:28) U nyikele vutomi byakwe hi ku tirhandzela leswaku ku vuyeriwa vanhu van’wana.

Xana Yesu u nyikele nkutsulo hi rifu rakwe hi ndlela yihi? Ha yini sweswo a swi fanerile? Xana Yesu u nyikele vutomi byakwe hikwalaho ka vamani? Naswona rifu rakwe ri vula yini eka wena?

Timbhoni ta Yehovha ta ku rhamba leswaku u va kona loko ti hlamula swivutiso sweswo hi ku tirhisa Bibele. Nan’waka rifu ra Yesu ri ta tlangeriwa hi Ravumbirhi, March 30, endzhaku ka ku pela ka dyambu. Hi siku rero, swivutiso leswi nga laha henhla swi ta hlamuriwa hi ku tirhisa Matsalwa.

U nga ha ya eHolweni ya Mfumo leyi nga ekusuhi ni laha u tshamaka kona. Tihlanganise ni Timbhoni ta Yehovha ta kwalaho leswaku u kuma nkarhi ni ndhawu ya kona.