Nkulumo Yo Hlawuleka Ya Le Rivaleni

Ku Rhula Ka Xiviri Ni Nsirhelelo Swi Ta Va Kona Rini?

Se ku hundze magidi ya malembe vanhu va ri karhi va lava ku rhula ni nsirhelelo. Kambe ni namuntlha ku rhula ka xiviri a va si ku kuma. Ha yini? Bibele yi nyikela swivangelo swimbirhi swa leswaku ha yini swi tika. Yi tlhela yi nyikela xikhutazo lexi, lexi tsakisaka: Xikwembu xi tshembise vanhu ku rhula ni nsirhelelo wa xiviri lowu nga ta va kona emisaveni hinkwayo hilaha ku nga heriki.

Xana ku rhula ni nsirhelelo swi ta va swa xiviri rini naswona njhani? I yini leswi u faneleke u swi endla leswaku u kuma mikateko yoleyo leyi taka? Swivutiso leswi swi ta hlamuriwa eka nkulumo ya le rivaleni leyi nge “Ku Rhula Ka Xiviri Ni Nsirhelelo Swi Ta Va Kona Rini?” Nkulumo leyi, leyi sekeriweke eBibeleni yi ta nyikeriwa emisaveni hinkwayo ematikweni yo tlula 230. Etindhawini to tala, yi ta nyikeriwa eHolweni ya Mfumo ya Timbhoni ta Yehovha leyi nga endhawini ya ka n’wina hi Sonto, April 18, 2010. Leswaku u kuma nkarhi ni ndhawu, tihlanganise ni Timbhoni ta le ndhawini ya ka n’wina. Wa rhambiwa leswaku u va kona.