Ta Vantshwa Va Hina

Xikwembu A Xi Yi Hi Nghohe

Swiletelo: Endla xitoloveto lexi endhawini leyi nga riki na pongo. Loko u hlaya matsalwa, tianakanye u ri eka xiendlakalo xa kona. Xi vone hi mahlo ya mianakanyo. Twana leswi vanhu va kona va swi vulaka. Titwe hi ndlela leyi va titwaka ha yona. Endla leswaku rungula leri ri hanya.

Swimunuhatwa-nkulu: Korneliyo na Petro

Nkatsakanyo: Petro u tekelele ku nga yi hi nghohe ka Xikwembu hi ku chumayela Korneliyo, loyi a a ri munhu wa matiko.

1 VONA XIENDLAKALO XA KONA HI MAHLO YA MIANAKANYO.—HLAYA MINTIRHO 10:1-35, 44-48.

Hlamusela ndlela leyi u vonaka onge Korneliyo a a languteka ha yona.

․․․․․

U ehleketa leswaku Korneliyo a a titwa njhani loko a ri karhi a bula ni ntsumi, hilaha swi nga hakona eka tindzimana 3 ku ya eka 6?

․․․․․

U ehleketa leswaku hi rihi bulo leri Korneliyo a veke na rona ni malandza yakwe, hilaha swi nga hakona eka tindzimana 7 na 8?

․․․․․

2 ANAKANYISISA SWINENE HI MHAKA LEYI.

Ha yini xivono lexi kombiweke Petro eka tindzimana 10 ku ya eka 16 xi pfunile? (Lexi nga ku pfunaka ku kuma nhlamulo: Kambisisa ndlela leyi Petro a kuleke ha yona tanihi Muyuda, hilaha swi nga hakona eka ndzimana 14.)

․․․․․

Hi yihi mfanelo leyi Korneliyo a yi kombiseke eka ndzimana 25? Ha yini vanhu vo tala lava nga exiyin’weni lexi fanaka ni xakwe va nga ri na yona mfanelo leyi? (Lexi nga ku pfunaka ku kuma nhlamulo: Vona ndzimana 1.)

․․․․․

 Hi ku tirhisa swilo swo endla ndzavisiso leswi u nga na swona, kumisisa leswaku a va ri vangani vavanuna lava a va vumba vuthu ra Italiya leri a ri rhangeriwa hi Korneliyo.

․․․․․

Ha yini rungula leri vulavulaka hi Korneliyo ri ri ra nkoka?

․․․․․

3 TIRHISA LESWI U SWI DYONDZEKE. SWI TSALE EHANSI LESWI U SWI DYONDZEKE MALUNGHANA NI . . .

Nkoka wo tirhisa swifaniso.

․․․․․

Ku nga yi hi nghohe ka Xikwembu.

․․․․․

Ndlela leyi u nga swi kombisaka ha yona leswaku a wu yi hi nghohe.

․․․․․

4 HI WIHI NCHUMU WA NKOKA LOWU U WU DYONDZEKE EKA RUNGULA LERI NASWONA HA YINI?

․․․․․

LOKO U NGA RI NA BIBELE, YI KOMBELE EKA TIMBHONI TA YEHOVHA KUMBE U HLAYA MINKANDZIYISO LEYI SEKERIWEKE EBIBELENI EKA www.watchtower.org