Nkulumo Yo Hlawuleka Ya Le Rivaleni

Xana Hi Nga Wu Kuma Kwihi Mpfuno Leswaku Hi Langutana Ni Swiphiqo Swa Namuntlha?

Switsundzuxo swi kumeka etindhawini hinkwato emisaveni ya namuntlha. Tibuku ni minongonoko ya TV leyi nyikaka vanhu switsundzuxo malunghana ni ndlela leyi va nga swi tlhantlhaka ha yona swiphiqo swa vona swi tolovelekile. Kambe swiphiqo leswikulu swo ya swi nyanya. Kutani u nga ha tivutisa, ‘Xana wu kona nkongomiso lowu ndzi nga wu tshembaka?’ Nhlamulo i ina!

Hambileswi Bibele se yi nga ni magidi ya malembe yi ri kona, yi ni milawu leyi nga hundzeriwiki hi nkarhi leyi hlamulaka swivutiso swo tanihi leswi:

▪ Xana ndzi nga ti tlhantlha njhani timholovo kutani ndzi tiphina hi vuxaka lebyinene ni van’wana?

▪ Xana ndzi nga wu kuma njhani ntsako?

▪ Xana ndzi nga langutana njhani ni swiphiqo swa ikhonomi?

▪ Xana ndzi nga ku hunguta njhani ku vilela?

Tinhlamulo ta swivutiso leswi ti ta hlamuriwa eka nkulumo ya le rivaleni leyi nge “Xana Milawu Ya Bibele Yi Nga Hi Pfuna Leswaku Hi Langutana Ni Swiphiqo Swa Hina Namuntlha?” Nkulumo leyi, leyi sekeriweke eBibeleni yi ta nyikeriwa emisaveni hinkwayo ematikweni yo tlula 230. Ematikweni yo tala, yi ta nyikeriwa eHolweni ya Mfumo ya Timbhoni ta Yehovha hi Sonto, May 1, 2011.

Timbhoni ta laha u tshamaka kona ti ta swi tsakela ku ku byela nkarhi ni ndhawu ya kona. Wa rhambiwa leswaku u va kona.