Ta Vantshwa Va Hina

Papalata Vanghana Vo Biha!

Swiletelo: Endla xitoloveto lexi endhawini leyi nga riki na pongo. Loko u hlaya matsalwa, tianakanye u ri eka xiendlakalo xa kona. Xi vone hi mahlo ya mianakanyo. Twana leswi vanhu va kona va swi vulaka. Titwe hi ndlela leyi va titwaka ha yona. Endla leswaku rungula leri ri hanya.

Swimunuhatwa-nkulu: Dina, Xikeme, Yakobe, Simiyoni na Levhi

Nkatsakanyo: Dina u onhiwe hi Xikeme naswona vamakwavo vakwe va lave ku rihisela.

1 VONA XIENDLAKALO XA KONA HI MAHLO YA MIANAKANYO.—HLAYA GENESA 34:1-31.

U ehleketa leswaku i yini leswi Dina a a swi endla loko a ri ni vanghana vakwe eKanana?

․․․․․

U ehleketa leswaku hi yihi ndlela leyi Xikeme a a “tshamela ku vulavula hi ndlela leyi khorwisaka” ha yona eka Dina?

․․․․․

U ehleketa leswaku rito ra Yakobe a ri ri njhani loko a tshinya Simiyoni na Levhi eka ndzimana 30?

․․․․․

2 ANAKANYISISA SWINENE HI MHAKA LEYI.

U ehleketa leswaku ha yini Dina a a tshamela ku endzela vanhwanyana va le Kanana? (Hi xikombiso, i yini lexi a xi va hlanganisa? I yini leswi a swi n’wi tsakisa hi vanhu va le Kanana leswi vanhu varikwavo a va nga ri na swona?)

․․․․․

Hi tihi timfanelo letinene leti Dina a nga ha vaka a ti vonile eka Xikeme? (Tlhela u hlaya tindzimana 3, 12 na 19.)

․․․․․

 Xana Bibele yi swi kombisa njhani leswaku Dina a a nga tiyimiselanga ku va ni vuxaka bya rimbewu na Xikeme? (Tlhela u hlaya ndzimana 2.)

․․․․․

U ehleketa leswaku a swi fanerile leswaku Simiyoni na Levhi va rihisela hi ku dlaya vaaki va muti wa ka va Xikeme? Ha yini u vula tano?

․․․․․

3 TIRHISA LESWI U SWI DYONDZEKE. SWI TSALE EHANSI LESWI U SWI DYONDZEKE MALUNGHANA NI . . .

Xilaveko xo hlawula vanghana hi vutlhari.

․․․․․

Xilaveko xo tikhoma hambiloko u ri ni xivangelo lexi twalaka xo hlundzuka.

․․․․․

SWIN’WANA LESWI U NGA SWI TIRHISAKA.

I yini leswi u nga swi endlaka leswaku u papalata ku tikuma u hlaseriwe hi timhaka ta masangu hi vanhu lava nga xi chaviki Xikwembu?

․․․․․

4 HI WIHI NCHUMU WA NKOKA LOWU U WU DYONDZEKE EKA RUNGULA LERI NASWONA HA YINI?

․․․․․

Loko u nga ri na Bibele, yi kombele eka Timbhoni Ta Yehovha kumbe u hlaya minkandziyiso leyi sekeriweke eBibeleni eka www.watchtower.org