Ta Vantshwa Va Hina

Ku Hehliwa Hi Mavunwa!

YOSEFA—XIYENGE 2

Swiletelo: Endla xitoloveto lexi endhawini leyi nga riki na pongo. Loko u hlaya matsalwa, tianakanye u ri eka xiendlakalo xa kona. Xi vone hi mahlo ya mianakanyo. Twana leswi vanhu va kona va swi vulaka. Titwe hi ndlela leyi va titwaka ha yona. Endla leswaku rungula leri ri hanya.

Swimunuhatwa-nkulu: Yosefa, Potifaro ni nsati wakwe

Nkatsakanyo: Yosefa u pfaleriwe ekhotsweni a nga ri na nandzu, kambe Yehovha u ve na yena.

1 VONA XIENDLAKALO XA KONA HI MAHLO YA MIANAKANYO.—HLAYA GENESA 39:7, 10-23.

Xana u ehleketa leswaku rito ra nsati wa Potifaro a ri ri njhani loko a ri karhi a hehla Yosefa?

․․․․․

Hlamusela ndlela leyi u ehleketaka leswaku khotso a ri langutekisa xiswona.

․․․․․

Xana Yosefa u khomiwe hi ndlela yihi loko a ya ekhotsweni ro sungula? (Lexi nga ku pfunaka ku kuma nhlamulo: Hlaya Pisalema 105:17, 18.)

․․․․․

2 ANAKANYISISA SWINENE HI MHAKA LEYI.

Loko ripfumelo ra Yosefa a ri lo tsana, i mavonelo wahi lama hoxeke lawa a ta va a ma ehleketile loko a ri ekhotsweni? (Lexi nga ku pfunaka ku kuma nhlamulo: Hlaya Yobo 30:20, 21.)

․․․․․

Hi swi tivisa ku yini leswaku Yosefa a nga solanga Yehovha hileswi a ri ekhotsweni? (Lexi nga ku pfunaka ku kuma nhlamulo: Hlaya Genesa 40:8; 41:15, 16.)

․․․․․

Hi tihi timfanelo leti u ehleketaka leswaku ti pfune Yosefa ku tiyisela ku pfaleriwa ekhotsweni a nga ri na nandzu? (Lexi nga ku pfunaka ku kuma nhlamulo: Hlaya u tlhela u anakanyisisa hi matsalwa lama landzelaka: Mikiya 7:7; Luka 14:11; Yakobo 1:4.)

․․․․․

 Hi wihi ndzetelo lowu Yosefa a wu kumeke loko a ri ekhotsweni naswona xana ndzetelo wolowo wu n’wi vuyerise njhani hi ku famba ka nkarhi? (Lexi nga ku pfunaka ku kuma nhlamulo: Hlaya Genesa 39:21-23; 41:38-43.)

․․․․․

3 TIRHISA LESWI U SWI DYONDZEKE. SWI TSALE EHANSI LESWI U SWI DYONDZEKE MALUNGHANA NI . . .

Mikateko leyi kumiwaka hi vanhu lava tiyiselaka.

․․․․․

Ndzetelo lowu u nga wu kumaka loko u langutane ni maxangu.

․․․․․

Nseketelo wa Yehovha hi nkarhi wa miringo.

․․․․․

SWIN’WANA LESWI U NGA SWI TIRHISAKA.

Xana u tshame u tikuma u ri exiyin’weni lexi eka xona u titweke u ri ni maxangu kumbe u ri ni xivundza? Xana Yehovha u ku pfune njhani loko u langutane ni maxangu? (Lexi nga ku pfunaka ku kuma nhlamulo: Hlaya 1 Vakorinto 10:13.)

․․․․․

4 HI WIHI NCHUMU WA NKOKA LOWU U WU DYONDZEKE EKA RUNGULA LERI NASWONA HA YINI?

․․․․․

Loko u nga ri na Bibele, yi kombele eka Timbhoni Ta Yehovha kumbe u hlaya minkandziyiso leyi sekeriweke eBibeleni eka www.watchtower.org