Loko ku ri hi leswaku nhlamulo i ina hi nga swi kota ku hunguta ku xaniseka.

Xana vanhu va hoxa xandla hi ndlela yihi eka ku xaniseka loku landzelaka?

• Ku xanisiwa.

  Nhlangano Wa Rihanyo Wa Misava Hinkwayo wu vula leswaku munhu un’we eka vamune u tshame a xanisiwa hi ku himeteriwa loko a ha ri ntsongo naswona un’we eka vavasati vanharhu u tshame a himeteriwa kumbe ku xanisiwa hi swa masangu loko a ha kula.

• Rifu.

  Xiviko xa Rihanyo ra Misava Hinkwayo xa 2018 xi ri, “Ku vuriwa leswaku vanhu lava dlayiweke hi 2016 a va ri kwalomu ka 477 000.” Hi lembe rero ku tlhele ku dlayiwa vanhu va 180 000.

• Mavabyi.

  Eka magazini wa National Geographic Fran Smith u te: “Vanhu vo tlula biliyoni va dzaha naswona fole ri ni mavabyi ya ntlhanu lama dumeke hi ku heta vanhu: vuvabyi bya mbilu, xitroke, mavabyi ya ku hefemula, vuvabyi bya mahahu ni khensa ya mahahu.”

• Ku Nga Ringani Hi Swiyimo.

  Mutivi wa miehleketo Jay Watts u ri: “Vusweti, ku ka vanhu va nga khomiwi kahle hikwalaho ka rixaka, xihlawuhlawu, rimbewu, ku rhurhisiwa ka vanhu ni ku phikizana ka mindhavuko swi endla leswaku vanhu va hanya hi ku chava, va vilela ni ku va ni ntshikilelo wa mianakanyo.”

  DYONDZA LESWI ENGETELEKEKE

  Hlalela vhidiyo leyi nge, Ha Yini Xikwembu Xi Tumbuluxe Misava? Eka jw.org/ts.

Hakanyingi ku xaniseka loku nga kona ku vangiwa hi vanhu.

Ku xaniseka ko tala ku vangiwa hi mimfumo leyi tshikilelaka vanhu lava yi va tshembiseke leswaku yi ta va tirhela.

‘Munhu u fuma munhu ku n’wi endla swo biha.’—EKLESIASTA 8:9.

Ku xaniseka ku nga hungutiwa.

Milawu ya le Bibeleni yi endla leswaku hi va ni rihanyo lerinene hi tlhela hi va ni vuxaka lebyinene ni van’wana.

“Mbilu yo rhula i vutomi bya xivumbiwa xa nyama lexi hanyaka, kambe mavondzo i ku bola ka marhambu.”—SWIVURISO 14:30.

“Ku leva hinkwako ni ku hlundzuka ni vukarhi ni huwa ni mavulavulelo ya nhlambha a swi susiwe eka n’wina swin’we ni vubihi hinkwabyo.”—VAEFESA 4:31.