Loko hi hlaya Bibele, hi nga tirhisa swilo swo hambanahambana ku endla ndzavisiso leswaku hi twisisa leswi hi swi hlayaka. Kambe, a hi fanelanga hi swi kela henhla leswi hi swi hlayaka. Hi lava ku kuma tidyondzo ta nkoka hi vumunhu bya Yehovha leswi nga ta hi pfuna leswaku hi ya hi n’wi rhandza. Leswaku hi endla tano, hi nga tivutisa leswi, ‘Xana leswi ndzi swi hlayaka eBibeleni swi ndzi dyondzisa yini hi Yehovha?’

Hi xikombiso, hi nga ha dyondza leswi engetelekeke hi ndlela leyi Yehovha a kombisaka rirhandzu, vutlhari, vululami ni matimba hayona. Hambiswiritano, ka ha ri ni swo tala leswi hi nga swi dyondzaka hi Yehovha. Sweswo swi katsa vumunhu bya yena byin’wana byo saseka. Xana u nga ri kuma kwihi rungula leri engetelekeke hi vumunhu bya Yehovha?

Kambisisa swilo leswi tlulaka 50 leswi hi nga swi dyondzaka hi Yehovha eka Watch Tower Publications Index ehansi ka nhlokomhaka leyi nge, “Jehovah” ni xihlokwana lexi nge, “Qualities by Name.” Endla ndzavisiso hi nhlokomhaka leyi fambisanaka ni rungula leri u ri hlayaka eBibeleni. (Loko ku ve u tirhisa buku leyi nge, Nkongomiso Wo Endla Ndzavisiso Wa Timbhoni Ta Yehovha, vona nhlokomhaka leyi nge, “Yehovha Xikwembu” ni xihlokwana lexi nge, “Timfanelo Ta Yehovha.”)