Xana wa ha swi tsundzuka leswi u swi hlayeke eka timagazini ta Xihondzo xo Rindza ta lembe leri? A hi vone loko u ta swi kota ku hlamula swivutiso leswi landzelaka:

Xana hi ta katekisiwa njhani loko hi vulavula, hi yingisa ni ku ehleketa hi Yehovha?

Hi ta endla swiboho leswinene, hi va vadyondzisi lavanene, hi va ni ripfumelo ro tiya naswona ndlela leyi hi rhandzaka Yehovha hayona yi ta kula.—w22.01, matl. 30-31.

Hi ta pfuneka njhani loko hi dyondza ku tshemba Yehovha ni lava n’wi yimelaka?

Sweswi i nkarhi wo dyondza ku tshemba ndlela leyi Xikwembu xi endlaka swilo hayona hi ku va hi nga kanakani nkongomiso ni swiboho swa vakulu. Loko nhlomulo lowukulu wu sungula, hi ta va hi lunghekele ku yingisa hambi ku ri swiletelo leswi nga tolovelekangiki kumbe leswi hi nga swi twisisiki.—w22.02, matl. 4-6.

Ntsumi a yi lava leswaku Zakariya a twisisa yini loko yi n’wi byela hi ta ‘ntambhu yo pima leyi a yi khomiwe hi [Ndhunankulu] Zerubabele’? (Zak. 4:8-10)

Xivono lexi xi tiyisekise vanhu va Xikwembu leswaku tempele leyi a yi ri eku akiweni a yi ta hela naswona Xikwembu a xi ta yi amukela.—w22.03, matl. 16-17.

Hi nga va “xikombiso lexinene . . . eku vulavuleni” njhani? (1 Tim. 4:12)

Hi vulavula hi ndlela ya xichavo ni ya musa loko hi chumayela, hi yimbelela swi huma embilwini, nkarhi na nkarhi hi hlamula etinhlengeletanweni ta vandlha, hi vulavula ntiyiso, hi aka van’wana naswona hi papalata ku vulavula marito yo tlhava.—w22.04, matl. 6-9.

Hikwalahokayini swivumbeko swa swivandzana (mifumo) swa mune leswi boxiweke eka Daniyele ndzima 7 swi hlanganisiwe swi va xivandzana xin’we lexi hlamuseriweke eka Nhlavutelo 13:1, 2?

Xivandzana lexi boxiweke eka Nhlavutelo 13 a xi yimeli mfumo wo karhi hi ku kongoma, wo fana ni wa Rhoma. Ematshan’weni ya sweswo, xi yimela mifumo ya matimba ya tipolitiki leyi fumeke vanhu.—w22.05, tl. 9.

Hi yihi ndlela ya nkoka yo kombisa leswaku hi tshemba vululami bya Xikwembu?

Loko un’wana a hi rhukanile kumbe ku hi dyohela, hi ringeta ku nga hlundzuki ni ku swi khoma hi mbilu kutani hi swi tshikela Yehovha. U ta herisa ku vava hinkwako loku vangiweke hi xidyoho.—w22.06, matl. 10-11.

I yini leswi makwerhu loyi a yimelaka vandlha hi xikhongelo a faneleke a swi tekela enhlokweni?

Xikhongelo a xi fanelanga xi tirhiseriwa ku nyika vandlha ndzayo kumbe ku endla xitiviso. A hi fanelanga hi “tirhisa marito yo tala” ngopfungopfu loko tinhlengeletano ta vandlha ti sungula. (Mat. 6:7)—w22.07, matl. 24-25.

Xana “lava a va endla leswo biha va ta pfukela ku avanyisiwa” hi ndlela yihi? (Yoh. 5:29)

A va nge avanyisiwi hi ku ya hi ndlela leyi a va hanya hayona loko va nga si fa. Va ta avanyisiwa hi ku ya hi ndlela leyi va nga ta tikhoma hayona ni langutelo leri va nga ta va na rona endzhaku ko pfuxiwa.—w22.09, tl. 18.

Hi xihi xikhutazo lexi J. F. Rutherford a xi nyikeleke eka nhlengeletano ya xifundzha hi September 1922?

Eka nhlengeletano ya xifundzha le Cedar Point, Ohio, U.S.A u te: “Vonani, Hosi ya fuma! N’wina mi vayimeri va yona. Hikwalaho, twarisani, twarisani, twarisani Hosi ni Mfumo wa yona!”—w22.10, matl. 3-5.

Hi tihi tindlela tinharhu leti nga eka Esaya ndzima 30 leti Xikwembu xi hi pfunaka ha tona ku tiyisela?

Ndzima leyi yi kombisa leswaku (1) xi yingisa ni ku hlamula swikhongelo swa hina, (2) xi hi nyika nkongomiso naswona (3) xa hi katekisa sweswi ni le nkarhini lowu taka.—w22.11, tl. 9.

Hikwalahokayini hi tiyiseka leswaku marito lama nga eka Pisalema 37:10, 11, 29 ma hetisekile enkarhini lowu nga hundza naswona ma ta hetiseka enkarhini lowu taka?

Marito ya Davhida ma hlamusela mikateko leyi Vaisrayele va tiphineke hayona ku fana ni le nkarhini wa ku fuma ka Solomoni. Yesu u vulavule hi Paradeyisi leyi taka naswona u tshahe ndzimana 11. (Mat. 5:5; Luka 23:43)—w22.12, matl. 8-10, 14.