Vahuweleri vo tala va tirhisa JW Layiburari ku lunghiselela tinhlengeletano ta vandlha naswona va yi tsakela ndlela leyi swi olovaka hayona ku kuma nhlokomhaka ha yin’we ya Xihondzo xo Rindza. Mikarhi yo tala Xihondzo xo Rindza lexi dyondziwaka evandlheni xi katsa tinhlokomhaka tin’wana leti nga ni tidyondzo ta nkoka. U nga yi tirhisa njhani JW Layiburari leswaku u kuma tinhlokomhaka leti ni ku vuyeriwa eka tona?

• Emakumu ka nhlokomhaka yin’wana ni yin’wana leyi dyondziwaka evandlheni ya Xihondzo xo Rindza, ku na nhlokomhaka leyi nge, “Additional Reading.” Ehansi ka yona, tlilika linki leyi nge, “Other articles in this issue.” Kwalaho u ta vona xiyenge lexi nge, leswi nga eka magazini lowu laha u nga ta kota ku vona nomboro ni nhlokomhaka ha yin’we leyi dyondziwaka evandlheni. Kutani tlilika nhlokomhaka leyi u tsakelaka ku yi hlaya.

• Loko u pfula JW Layiburari, dawuniloda Xihondzo xo Rindza lexintshwa loko xi humelela eka xiyenge lexi nge, “What’s New.” Pfula magazini lowu u wu dawunilodeke kutani u ya eka xiyenge lexi nge, leswi nga eka magazini lowu leswaku u vuyeriwa eka tinhlokomhaka hinkwato.