Xana hi fanele hi yi twisisa njhani Pisalema 12:7?

Mongo wa ndzimana leyi wu kombetela eka vanhu.

Eka Pisalema 12:​1-4, hi hlaya leswaku “vanhu vo tshembeka a va ha ri kona.” Kutani eka Pisalema 12:​5-7, u ri:

Ndzimana ya vuntlhanu yi hlamusela leswi Xikwembu xi swi vulaka hi lava xanisekaka. Xi ta va ponisa.

Ndzimana ya vutsevu yi vula leswaku “marito ya Yehovha ma tengile; ma fana ni silivhere leyi tengisiweke.” Vakreste lava tinyiketeleke va pfumelelana ni marito wolawo hilaha ku heleleke.—Ps. 18:30; 119:140.

Eka Tibibele tin’wana Pisalema 12:7 yi hundzuluxeriwe hi ndlela leyi: “U ta ma sirhelela.”

Hikwalaho ka leswi “marito ya Yehovha” ma boxiweke eka ndzimana ya vutsevu, van’wana va ehleketa leswaku ndzimana leyi yi vula leswaku Xikwembu xi “sirhelela” marito ya xona. Ha swi tiva leswaku Xikwembu xi sirhelele Bibele hikwalaho ka leswi valala va ringeteke ko tala ku yi herisa.—Esa. 40:8; 1 Pet. 1:25.

Hambiswiritano, Yehovha u tlhela a sirhelela vanhu hilaha ndzimana ya vuntlhanu yi vulaka hakona naswona u ta ya emahlweni a pfuna ni ku ponisa “lava xanisekaka” ni lava “tshikileriwa[ka].”—Yobo 36:15; Ps. 6:4; 31:​1, 2; 54:7; 145:20.

Hikwalaho, hilaha swi boxiweke hakona eka ndzimana ya vunkombo, i yini leswi Yehovha a swi sirhelelaka, xana i vanhu kumbe marito yakwe?

Loko hi yi kambisisa hi vuenti pisalema leyi, mongo wu swi veka erivaleni leswaku ku vulavuriwa hi vanhu.

Eka Pisalema 12:​1, Davhida u vulavula hi malandza yo tshembeka ya Yehovha lama hemberiweke hi vanhu vo biha. Kutani eka ndzimana ya vunharhu, hi twa hi leswi Yehovha a nga ta swi endla eka vanhu volavo lava vulavulaka swilo swo biha. Pisalema leyi yi hi tiyisekisa leswaku hi nga swi tshemba ku Xikwembu xi ta lwela vanhu va xona hikuva marito ya xona ma tengile.

Hikwalaho, leswi ku vulavuriwaka ha swona eka ndzimana ya vunkombo i vanhu lava xanisiwaka hi lavo homboloka naswona Yehovha u ta va sirhelela.

Kutani, hikwalahokayini Tibibele tin’wana ti hundzuluxele ndzimana leyi ti ku: “U ta ma sirhelela”? Ndzimana leyi yi hundzuluxeriwe hi ndlela leyi fanaka ni le ka Tibibele leti tshembiwaka ta Xiheveru. Kambe eka Septuagint ya Xigriki ku tirhisiwe marito lama nge: “U ta hi kongomisa” ni lama nge, “U ta hi sirhelela.” Kutani marito lawa ma kombetela eka vanhu vo tshembaka lava xanisiwaka ni ku tshikileriwa. Va ta sirheleriwa “sweswi ni hilaha ku nga heriki” eka vavanuna lava rhandzaka manyala. (Ps. 12:​7, 8) Eka Bibele yin’wana ya Xiaramu ya Matsalwa ya Xiheveru, ndzimana ya vunkombo yi hlayekisa xileswi: “Wena Hosi, u ta hlayisa lavo lulama, u ta va sirhelela eka xitukulwana lexi xo homboloka hilaha ku nga heriki.” Lebyi i vumbhoni byin’wana lebyi kombisaka leswaku Pisalema 12:7 a yi vulavuli hi marito ya Xikwembu.

Hikwalaho ka sweswo, ndzimana leyi yi nyika “vanhu vo tshembeka” ntshembo wa leswaku Xikwembu xi ta va sirhelela