NDLELA YO HLULA RIVENGO
1 | U Nga Vi Na Xihlawuhlawu
Leswi Bibele Yi Swi Dyondzisaka:
“Xikwembu a xi na xihlawuhlawu, kambe eka tiko rin’wana ni rin’wana munhu loyi a xi chavaka a tlhela a endla leswinene wa amukeleka eka xona.”—MITIRHO 10:34, 35.
Leswi Swi Vulaka Swona:
Yehovha * Xikwembu a nga hi avanyisi hi ku ya hi rixaka, ndhavuko, muvala kumbe tiko leri hi humaka eka rona. Kambe u languta nchumu wa nkoka, ku nga timbilu ta hina. I ntiyiso leswaku “munhu u vona ntsena leswi voniwaka hi matihlo, kambe Yehovha u vona leswi nga embilwini.”—1 Samuwele 16:7.
Leswi U Nga Swi Endlaka:
Hambileswi hi nga ti tiviki timbilu ta vanhu kambe hi nga tekelela Xikwembu hi ku papalata ku va ni xihlawuhlawu. Tikarhatele ku vona leswinene eka vanhu, ku nga ri ku va teka tanihi va ntlawa wo karhi. Loko u titwa u nga va rhandzi vanhu va rixaka ro karhi kumbe tiko rin’wana, khongela u kombela Xikwembu xi ku pfuna u tshika ku titwa tano. (Pisalema 139:23, 24) Loko u khongela eka Yehovha hi mbilu hinkwayo leswaku a ku pfuna u hlula xihlawuhlawu, tiyiseka leswaku u ta yingisa swikhongelo swa wena naswona u ta ku pfuna u xi hlula.—1 Petro 3:12.
^ par. 6 Yehovha i vito ra Xikwembu.—Pisalema 83:18.
“A ndzi nga se tshama ndzi va ni ku rhula ni mulungu . . . Sweswi se a ndzi titwa ndzi ri xirho xa vamakwerhu lava nga ni vun’we emisaveni hinkwayo.”—TITUS
U Nga Ha Tsakela
XIHONDZO XO RINDZA
Yehovha ‘A Nga Yi Hi Nghohe’
Xikwembu xi yingisa swikhongelo swa vagandzeri va xona ku nga khathariseki rixaka, tiko kumbe xiyimo xa vona xa timali. Hi swi tiva njhani sweswo?
XALAMUKA!
Bibele Yi Ri Yini Hi Xihlawuhlawu?
Xana tinxaka hinkwato ta vanhu ta ringana? Xana xihlawuhlawu xi ta kala xi hela?
