Kwalomu ka malembe ya 3 500 lama hundzeke, Yehovha Xikwembu u byele vanhu lava a va n’wi gandzela leswi a va fanele va swi endla leswaku va va ni vumundzuku lebyinene, u te: “Ndzi veke vutomi ni rifu emahlweni ka n’wina, nkateko ni ndzhukano; mi fanele mi hlawula vutomi leswaku mi ta hanya, n’wina ni vana va n’wina.”—Deteronoma 30:19.

Leswaku vanhu volavo va va ni vumundzuku lebyi tsakisaka, a va fanele va endla swiboho leswinene. Na hina namuntlha hi fanele hi endla tano. Bibele yi hi byela ndlela yo hlawula ku va ni vumundzuku lebyinene, yi ri: “Hi ku rhandza Yehovha Xikwembu xa n’wina, mi yingisa rito rakwe.”—Deteronoma 30:20.

DYONDZA BIBELE: Leswaku u rhandza Yehovha, u fanele u rhanga u dyondza hi yena eBibeleni. Loko u endla tano, u ta swi xiya leswaku i Xikwembu xa rirhandzu lexi ku navelelaka leswinene. Xa ku rhamba leswaku u khongela eka xona “hikuva xa khathala hi [wena].” (1 Petro 5:7) Bibele yi tshembisa leswaku loko u tshinela eka xona, “xi ta tshinela eka [wena].”—Yakobo 4:8.

TIRHISA LESWI U SWI DYONDZAKA: Ku yingisa Xikwembu swi vula ku landzela nkongomiso wa xona wa vutlhari lowu kumekaka eBibeleni. Loko u endla tano, “swi ta ku fambela kahle naswona u ta tlhariha.”—Yoxuwa 1:8.