Risimu 151
Xi Ta Vitana
-
1. Hi hanya nkarhi wo koma ngopfu,
Vutomi i hunguva.
Rini ni rini hina hi nga fa,
Ku sala gome ntsena.
Munhu la feke, a nga pfuka ke?
Hosi ya hi tshembisa:
(KHORASI)
Xikwembu; Xi ta vitana.
Ivi vafi va pfuka.
Xi ta rhandza ku vona
Ntirho wa xona n’wini.
A hi ve ni ripfumelo,
Xi ta hi amukela.
Xi hi nyika vutomi,
He malandza ya xona.
-
2. Hambi vanghana va Hosi va fa,
A yi nge va rivali.
Yi ta pfuxa vanghana va yona,
Va pfuka masirheni.
Hi ta tiphina paradey’sini,
Hi tsaka hi vutomi.
(KHORASI)
Xikwembu; Xi ta vitana.
Ivi vafi va pfuka.
Xi ta rhandza ku vona
Ntirho wa xona n’wini.
A hi ve ni ripfumelo,
Xi ta hi amukela.
Xi hi nyika vutomi,
He malandza ya xona.
(Nakambe vona Yoh. 6:40; 11:11, 43; Yak. 4:14.)
