RISIMU 95
Ku Vonakala Ku Ya Ku Voninga
-
1. Mahungu ya ku ta ka Yesu Kreste,
Xikwembu xi ma vule khale.
U ta heta swirilo ni maxangu,
Misava u ta yi ponisa.
Mesiya wa fuma i nkarhi wakwe,
Vumbhoni byi tele ngopfu.
Ku tiva mahungu law’ i nkateko;
Ni tintsumi ta swi tlangela!
(KHORASI)
Ndlela yerhu ya vonakala;
Hi famba ku vonakalen’.
Xikwembu xa hi voningela;
Xi tlhela xi hi rhangela.
-
2. Hosi yi ni hlonga lero tshembeka,
Leri phamelaka swakudya.
Rivoni ra ntiyiso ra voninga,
Ri khumba timbilu ta hina.
Se hi yi vona kahle ndlela leyi,
Hi famba ku vonakalen’.
Ku dzuneka ku ya eka Yehovha,
Yena Xihlovo xa ntiyiso.
(KHORASI)
Ndlela yerhu ya vonakala;
Hi famba ku vonakalen’.
Xikwembu xa hi voningela;
Xi tlhela xi hi rhangela.
(Nakambe vona Rhom. 8:22; 1 Kor. 2:10; 1 Pet. 1:12.)
