Hundzela eka leswi nga endzeni

Nghena (opens new window)

Timbhoni Ta Yehovha

Hlawula ririmi Xitsonga Nghena (opens new window)

HLAYA HI

LESWI HI SWI DYONDZAKA EBIBELENI | YOBO 16-20

Khutaza Ni Ku Tiyisa Van’wana Hi Marito Ya Musa

TLANGA

Khutaza Ni Ku Tiyisa Van’wana Hi Marito Ya Musa

Marito ya munhu loyi a khutazaka ya fanele ya tiyisa van’wana

Yobo a a tshikilelekile ni ku va ni gome, kutani a a lava nseketelo ni ku khutaziwa hi van’wana
Vanghana vanharhu va Yobo a va n’wi chavelelanga. Ku ri na sweswo, va n’wi hehlile naswona sweswo swi endle leswaku a ya a tshikileleka

Marito lama tlhavaka ya Bilidadi ma endle leswaku Yobo a rila hikwalaho ka maxangu yakwe

Yobo u huwelele eka Xikwembu leswaku xi n’wi pfuna naswona a a navela ni ku fa
Yobo u anakanyisise hi ntshembo wa ku pfuxiwa ka vafi naswona u hambete a tiyisela hi ku tshembeka

VANHU LAVA HEHLEKE YOBO

Elifazi:

Swi nga ha endleka leswaku a a huma eTemani le Edomu. Muti wa Temani wu boxiwa eka Yeremiya 49:7 ku nga laha vutlhari bya Vaedomu byi humaka kona
Elifazi hi yena a sunguleke ku vulavula naswona swi tikomba onge a ku ri yena lonkulu a tlhela a va ni nkucetelo lowukulu eka “vachaveleri” va Yobo. U vulavule kanharhu naswona u vulavule nkarhi wo leha ku tlula lavan’wana

Swihehlo:

U sole vutshembeki bya Yobo ni ku tlhela a vula leswaku Xikwembu a xi ma tshembi malandza ya xona (Yb 4, 5)
U vule leswaku Yobo wa titlakusa naswona u hombolokile, ni leswaku Yobo a nga xi chavi Xikwembu (Yb 15)
U hehle Yobo hi ku vula leswaku u ni makwanga naswona u pfumala vululami, a tlhela a vula leswaku vanhu a va pfuni nchumu eka Xikwembu (Yb 22)

Bilidadi:

A a ri ntukulu wa Xuwe. Swi nga ha endleka a a tshama ekusuhi ni Nambu wa Yufrata
U vulavule endzhaku ka Elifazi. U vulavule kanharhu naswona a nga vulavulanga nkarhi wo leha kambe marito yakwe a ma tlhava swinene ku tlula ni ya Elifazi

Swihehlo:

U vule leswaku vana va Yobo va dyohile naswona a a va faneriwa hi khombo leri va weleke, ni ku vula leswaku Yobo a nga xi tshembi Xikwembu (Yb 8)
U vule leswaku Yobo a ri mudyohi (Yb 18)
U vule leswaku a swi pfuni nchumu ku va vanhu va tshembeka (Yb 25)

Sofara:

A a ri Munamani, swi nga endleka a a huma en’walunguvupeladyambu bya Arabiya
Hi yena wo hetelela ku vulavula naswona u vulavule swilo swo biha swinene. U vulavule kambirhi ntsena

Swihehlo:

U hehle Yobo hi ku vula leswaku u vulavula swilo swa hava ni ku tlhela a n’wi byela leswaku a tshika mikhuva yakwe yo homboloka (Yb 11)
U vule leswaku Yobo a a hombolokile naswona wa tiphina hi xidyoho (Yb 20)

MAHANYELO NI NTIRHO WA HINA WO CHUMAYELA–XIBUKWANA XA NHLENGELETANO

Khutaza Ni Ku Tiyisa Van’wana Hi Marito Ya Musa

Xitsonga

Khutaza Ni Ku Tiyisa Van’wana Hi Marito Ya Musa

https://cms-imgp.jw-cdn.org/img/p/202016123/univ/art/202016123_univ_sqr_xl.jpg