I va mani lava hi faneleke hi va amukela hi mandla mambirhi? Hinkwavo lava taka ro sungula eminhlanganweni ya hina ya Vukreste ni lava ku nga khale va nga ha ti. (Rhm 15:7; Hv 13:2) Ku nga ha va Mukrestekulobye loyi a humaka etikweni rin’wana kumbe Mukreste loyi a holeke loyi a taka eminhlanganweni ro sungula endzhaku ko heta malembe a nga ha ti. Anakanya ndlela leyi u nga titwaka ha yona loko u ri eka swiyimo swo fana ni leswi. Xana a wu nge swi tsakeli ku amukeriwa hi ndlela leyinene? (Mt 7:12) Kutani ha yini u nga tikarhateli ku xeweta van’wana eHolweni ya Mfumo loko minhlangano yi nga si sungula ni loko se yi herile? Leswi swi endla leswaku yi tsakisa naswona swi dzunisa Yehovha. (Mt 5:16) I ntiyiso leswaku minkarhi yin’wana a swi nge koteki ku xeweta vanhu hinkwavo lava nga kona. Nilokoswiritano, hinkwavo va ta titwa va amukelekile loko hi endla leswi hi nga swi kotaka. *

Malwandla a ma kombisiwi hi minkarhi ya swiendlakalo swo hlawuleka ntsena swo fana ni Xitsundzuxo, kambe minkarhi hinkwayo. Loko lava taka ro sungula eminhlanganweni va vona leswaku Vakreste va rhandzana, va nga ha susumeteleka ku dzunisa Xikwembu kutani va hi joyina eka vugandzeri lebyi tengeke.—Yh 13:35.