Ku sukela lembe leri, hi ta va ni nkarhi wo tala wo lunghiselela Xitsundzuxo xa rifu ra Kreste. Loko Xitsundzuxo xi ta va exikarhi ka vhiki, tidyondzo ta le xikarhi ka vhiki a ti nge vi kona hi vhiki rero. Loko Xitsundzuxo xi ta va hi mahelovhiki, tidyondzo ta hi mahelovhiki a ti nge vi kona. Xana u ta wu tirhisa hi vutlhari nkarhi wolowo? Hilaha a swi ri ha kona hi lembe-xidzana ro sungula, swi lava hi endla matshalatshala leswaku hi va kona eka xiendlakalo lexi xo hlawuleka. (Lk 22:7-13; km 3/15 1) Hinkwerhu hi fanele hi tilunghiselela kahle leswaku hi ta va kona. Hi nga swi endla njhani leswi?

• Anakanyisisa hi nkoka wo va kona eXitsundzuxweni.—1Ko 11:23-26

• Khongela u tlhela u ehleketisisa hi vuxaka bya wena na Yehovha.—1Ko 11:27-29; 2Ko 13:5

• Hlaya tibuku leti sekeriweke eBibeleni leti vulavulaka hi Xitsundzuxo kutani u anakanyisisa hi rungula rero.—Yh 3:16; 15:13

Vahuweleri van’wana va hlaya ni ku anakanyisisa hi Matsalwa lama fambisanaka ni Xitsundzuxo lama nga eka xibukwana lexi nge Ku kambisisa Matsalwa siku ni siku. Van’wana va hlaya tindzimana ta Bibele leti kumekaka eka chati ya xiyimiso xa ku hlaya ka Bibele leyi nga eka xibukwana lexi. Kasi van’wanyana va hlaya tinhlokomhaka leti nga eka Xihondzo leti vulavulaka hi Xitsundzuxo ni hi ndlela leyi Yehovha na Yesu va hi kombiseke rirhandzu ha yona. Onge ndlela yin’wana ni yin’wana leyi u yi hlawulaka, yi nga endla leswaku vuxaka bya wena na Yehovha ni N’wana wa yena byi tiya swinene.