Yesu u nyikele hi vutomi byakwe hikwalaho ka vanhu lava nga hetisekangiki. (Rhm 5:8) A swi kanakanisi leswaku ha ri tlangela rirhandzu leri Yesu a hi kombeke rona hi leswi a nyikeleke hi vutomi byakwe hikwalaho ka hina. Hambiswiritano, mikarhi yin’wana swi nga ha lava hi tsundzuka leswaku Yesu u fele ni vamakwerhu va hina. Ku fana na Kreste, hi nga swi kombisa njhani leswaku ha va rhandza vamakwerhu lava nga hetisekangiki ku fana na hina? Xiya tindlela tinharhu. Yo sungula, eka vanghana va hina hi nga katsa ni vanhu lava swiyimo swa vona swi nga faniki ni swa hina. (Rhm 15:7; 2Ko 6:12, 13) Ya vumbirhi, hi nga papalata ku vula kumbe ku endla swilo leswi nga khunguvanyisaka van’wana. (Rhm 14:13-15) Yo hetelela, loko munhu un’wana a hi dyohela, hi nga n’wi rivalela hi ku hatlisa. (Lk 17:3, 4; 23:34) Loko hi tikarhatela ku tekelela Yesu hi tindlela leti, Yehovha u ta ya emahlweni a endla leswaku evandlheni ku va ni ku rhula ni vun’we.

HLALELANI VHIDIYO LEYI NGE VANA MAKWERHU LONENE NGOPFU! KUTANI MI HLAMULA SWIVUTISO LESWI LANDZELAKA:

• Eku sunguleni Miki a titwa njhani hi vandlha leri a rhurheleke eka rona?

• I yini lexi endleke leswaku a cinca ndlela leyi a titwa ha yona?

• Xikombiso xa Yesu xi n’wi pfune njhani leswaku a cinca langutelo rakwe?

• Swivuriso 19:11 yi nga hi pfuna njhani leswaku hi languta Vakrestekulorhi hi ndlela leyinene?