Hikwalaho ka yini hi fanele hi endla xinghana ni vanhu lava rhandzaka Yehovha? Hikuva vanghana va nga hi kucetela ku endla swilo leswinene kumbe swo biha. (Swiv 13:20) Hi xikombiso, Hosi Yehowaxi loko a ha ri munghana wa Muprista Lonkulu Yoyada, u endle swilo “leswi lulameke ematihlweni ya Yehovha.” (2Tk 24:2) Endzhaku ka ku fa ka Yoyada, Yehowaxi u tshike ku tirhela Yehovha hikwalaho ka vanghana vo biha.—2Tk 24:17-19.

Hi nkarhi wa vaapostola, muapostola Pawulo u fanise vandlha ra Vukreste ni ‘yindlu leyikulu’ naswona swirho swa vandlha u swi fanise ni “swibya.” Loko hi papalata ku endla xinghana ni vanhu lava endlaka swilo leswi nga n’wi tsakisiki Yehovha, ku nga ha va swirho swa ndyangu kumbe swa vandlha, hi ta tshama hi ri ‘swibya swa xikongomelo xo xiximeka.’ (2Tm 2:20, 21) Hikwalaho, a hi yeni emahlweni hi endla xinghana ni vanhu lava rhandzaka Yehovha ni lava hi khutazaka ku n’wi tirhela.

HLALELANI VHIDIYO LEYI NGE DYONDZA KU ALA VUNAKULOBYE BYO BIHA, KUTANI MI HLAMULA SWIVUTISO LESWI LANDZELAKA:

• Hi nga tikuma hi hete nkarhi wo tala ni vanhu vo biha handle ko swi xiya hi ndlela yihi?

• Eka vhidiyo leyi hi yi voneke, i yini leswi pfuneke Vakreste vanharhu leswaku va tshika ku endla xinghana ni vanhu vo biha?

• Hi yihi misinya ya milawu ya Bibele leyi nga ku pfunaka u kota ku hlawula vanghana hi vutlhari?