Yehovha a nga na xihlawuhlawu. (Min 10:34, 35) U amukela vanhu vo “huma eka matiko hinkwawo ni tinyimba hinkwato ni vanhu hinkwavo ni tindzimi hinkwato.” (Nhl 7:9) Xisweswo, evandlheni ra Vukreste a ku na vanhu lava nga ni xihlawuhlawu. (Yk 2:1-4) Hikwalaho ka dyondzo ya Xikwembu, hi tiphina hi paradeyisi ya moya laha hi voneke vanhu va cinca vumunhu bya vona. (Esa 11:6-9) Loko hi tikarhatela ku susa xihlawuhlawu etimbilwini ta hina, hi kombisa leswaku hi tekelela Xikwembu.—Ef 5:1, 2.

• Ha yini dyondzo ya Xikwembu yi tlula matshalatshala ya munhu yo lava ku herisa xihlawuhlawu?

• I yini lexi ku tsakisaka hi vun’we lebyi hi nga na byona ni vamakwerhu emisaveni hinkwayo?

• Yehovha u kwetsimisiwa njhani loko hi tshama hi ri ni vun’we tanihi Vakreste?