Loko Pawulo na Silasi va ri ekhotsweni, va dzunise Yehovha hi risimu. (Min 16:25) Risimu leri a va ri yimbelela ri endle leswaku va kota ku tiyisela. Ku vuriwa yini hi hina namuntlha? Tinsimu ta mfumo ni leti nga eka Vuhaxi bya JW, ti nga hi tiyisa ni ku hi pfuna leswaku hi tshama hi tshembekile loko hi langutana ni miringo. Ku engetela kwalaho, loko hi ti yimbelela hi dzunisa Yehovha. (Ps 28:7) Hi khutaziwe ku tiva marito ya tinsimu ti nga ri tingani hi nhloko. Xana se mi ringetile ku endla tano? Loko ku ri leswaku a mi si sungula, mi nga tirhisa nkarhi wa vugandzeri bya ndyangu leswaku mi praktisa tinsimu leti ni marito ya tona.

HLALELANI VHIDIYO LEYI NGE VANA DZUNISANI YEHOVHA HI RISIMU, KUTANI MI HLAMULA SWIVUTISO LESWI LANDZELAKA:

• Ku yimbelela tinsimu ta Mfumo swi nga hi vuyerisa njhani?

• I yini leswi Ndzawulo yo Rhekhoda yi swi endleka leswaku yi lunghekela ku rhekhoda tinsimu?

• I yini leswi vana va swi endlaka swin’we ni vatswari va vona leswaku va lunghekela ku ya rhekhoda?

• Hi tihi tinsimu ta Mfumo leti u ti rhandzaka naswona hikwalaho ka yini u ti rhandza?