Khale ka khaleni, vafumi va tiko a va pfuna vanhu va Yehovha. (Ezr 6:1-12; Est 8:10-13) Ninamuntlha hi vona “misava”—ku nga vanhu lava nga ni ntwelavusiwana—yi mita “nambu” wa nxaniso lowu hlohloteriwaka hi “dragona,” ku nga Sathana Diyavulosi. (Nhl 12:16) Yehovha ‘Xikwembu lexi ponisaka’ mikarhi yin’wana xi nga tirhisa vafumi va tiko leswaku xi tshunxa vanhu va xona.—Ps 68:20; Swiv 21:1.

Ku vuriwa yini loko u pfaleriwe ejele hikwalaho ka ripfumelo ra wena? U nga kanakani leswaku Yehovha u ku langutile. (Gn 39:21-23; Ps 105:17-20) Tiyiseka leswaku u ta kuma hakelo hikwalaho ka ripfumelo ra wena naswona ku tshembeka ka wena ku khutaza vamakwerhu emisaveni hinkwayo.—Flp 1:12-14; Nhl 2:10.

HLALELANI VHIDIYO LEYI NGE, VAMAKWERHU VA LE KOREA VA NTSHUNXIWA EKHOTSWENI KUTANI Mi HLAMULA SWIVUTISO LESWI LANDZELAKA:

• Hikwalaho ka yini ku pfaleriwe vamakwerhu vo tala eKorea Dzonga eka malembe lama hundzeke?

• I yini lexi endleke leswaku vamakwerhu lava khotsiweke va ntshunxiwa hi xihatla?

• Hi nga va pfuna njhani vamakwerhu lava pfaleriweke ejele emisaveni hinkwayo hikwalaho ka ripfumelo ra vona?

• Hi nga wu tirhisa njhani ntshunxeko lowu hi nga na wona sweswi?

• I mani loyi a hi pfunaka leswaku hi hlula milandzu leyi hi hehliwaka ha yona?