Xiboho xa ku susa munhu i xa ku sirhelela vandlha ni ku pfuna loyi a dyoheke leswaku a hundzuka. (1Ko 5:6, 11) Loko hi seketela ndzayo yoleyo leyi humaka eka Yehovha, hi kombisa leswaku hi ni rirhandzu. Loko loyi a susiwaka kumbe xaka rakwe ni lava va katsekaka eka komiti ya vuavanyisi vo tshuka va karhatiwa hi xiboho lexi tekiweke, va nga swi kombisa njhani leswaku va seketela Yehovha?

Ku tlula hinkwaswo, a hi swi lavi ku thyakisa vito ra Yehovha naswona ha yi rhandza milawu yakwe yo kwetsima. (1Pe 1:14-16) Naswona hi tlhela hi kombisa leswaku ha n’wi rhandza munhu loyi a susiweke. Ku tshinyiwa a swi nandzihi, swa vava “kambe swa pfuna eka lava tiyimiseleke ku dyondza.” (Hv 12:5, 6, 11) Hi va hi kavanyeta ndzayo leyi humaka eka Yehovha loko hi tihlanganisa ni vanhu lava susiweke kumbe ni lava va nga ha laviki ku va Timbhoni ta Yehovha. Kambe tsundzuka leswaku Yehovha u tshinya vanhu vakwe ‘hi mpimo lowu ringaneke.’ (Yr 30:11) Hi swi langutele hi mahlongati leswaku maxaka ya hina ma vuyela eka Tatana wa hina wa tintswalo kambe loko ha ha rindzele sweswo hi ya emahlweni hi seketela xiboho xa Yehovha ni ku tlhela hi tiyisa vuxaka bya hina na yena.—Esa 1:16-18; 55:7.

HLALELANI VHIDIYO LEYI NGE, HLAYISANI VUTSHEMBHEKI HI VUNWE KUTANI MI HLAMULA SWIVUTISO LESWI LANDZELAKA:

• Hi wihi mbitsi lowu vatswari va vaka na wona loko n’wana wa vona a tshika ku tirhela Yehovha?

• Vamakwerhu evandlheni va nga va seketela njhani lava maxaka ya vona ma susiweke?

• Hi xihi xikombiso xa le Bibeleni lexi kombisaka leswaku ku tshembeka eka Yehovha i swa nkoka ku tlula ku tshembeka eka swirho swa ndyangu?

• Hi nga teka ku tshembeka eka Yehovha ku ri ka nkoka ku tlula ku tshembeka eka swirho swa ndyangu hi ndlela yihi?