Ntshembo wu fana ni nsoma. (Hv 6:19) Wu hi pfuna leswaku vuxaka bya hina ni Xikwembu byi nga tsani ku fana ni xikepe lexi tshovekeke loko hi langutane ni swiphiqo. (1Tm 1:18, 19) Swiphiqo swa kona swi nga katsa ku hela matimba, ku lahlekeriwa hi rifuwo, vuvabyi lebyi nga tshungulekiki, ku feriwa hi munhu loyi hi n’wi rhandzaka kumbe swilo swin’wana leswi nga ha hi endlaka hi nga ha tshembeki.

Ripfumelo ni ntshembo swi hi pfuna leswaku hi yi vona kahle hakelo leyi hi tshembisiweke yona. (2Ko 4:16-18; Hv 11:13, 26, 27) Kutani, ku nga khathariseki leswaku hi ni ntshembo wo hanya etilweni kumbe emisaveni, hi fanele hi tshama hi ri karhi hi wu hlakulela hi ku anakanyisisa hi switshembiso leswi nga eRitweni ra Xikwembu. Loko hi tshikileleka hikwalaho ka miringo, swi ta hi olovela leswaku hi tshama hi tsakile.—1Pe 1:6, 7.

HLALELANI VHIDIYO LEYI NGE TSAKANI HI NTSHEMBO, KUTANI MI HLAMULA SWIVUTISO LESWI LANDZELAKA:

• Ha yini hi fanele hi tekelela xikombiso lexinene xa Muxe?

• Hi byihi vutihlamuleri lebyi tinhloko ta mindyangu ti nyikiweke byona?

• Hi tihi tinhlokomhaka leti mi nga ti kambisisaka eka Vugandzeri bya Ndyangu?

• Ntshembo wu nga mi pfuna njhani leswaku mi kota ku langutana ni miringo?

• I yini leswi u swi languteleke hi mahlongati?