MAHANYELO YA VAKRESTE
Ku Antswisa Vutshila Bya Hina Ensin’wini—Tshika Ku Dyondza Ni Vanhu Lava Nga Endliki Nhluvuko
LEXI ENDLAKA SWI VA SWA NKOKA: Leswaku vanhu va ta ponisiwa, va fanele va vitana vito ra Yehovha. (Rhm 10:13, 14) Kambe a hi vanhu hinkwavo lava pfumelaka ku dyondza Bibele lava tiyimiseleke ku hanya hi milawu ya Yehovha. Loko hi ri ensin’wini hi tirhisa nkarhi wa hina hi vutlhari leswaku hi pfuna vanhu lava tiyimiseleke ku cinca vutomi bya vona ivi va hanya hi ndlela leyi tsakisaka Yehovha. Loko munhu loyi ku nga khale hi dyondza na yena Bibele a nga cinci, hi vutlhari ha n’wi tshika ivi hi lavisisa lava Yehovha a va kokelaka enhlengeletanweni yakwe. (Yh 6:44) Loko hi ku famba ka nkarhi munhu wa kona a cinca a kombisa leswaku u ni “mboyamelo lowunene eka vutomi lebyi nga heriki,” hi tlhela hi sungula ku dyondza na yena.—Min 13:48.
NDLELA LEYI U NGA SWI ENDLAKA HA YONA:
-
Bumabumela xichudeni hileswi xi lavaka ku kuma vutivi lebyi kongomeke.—1Tm 2:4
-
Xi khutaze ku hanya hi ku pfumelelana ni leswi xi swi dyondzaka.—Lk 6:46-49
-
Bula na xona hi xifaniso xa Yesu xa mubyari kutani u xi khutaza ku anakanyisisa hi leswi swi xi sivelaka ku endla nhluvuko.—Mt 13:18-23
-
Hi vutlhari xi hlamusele xivangelo lexi endlaka u tshika ku dyondza na xona
-
Xi hlamusele leswaku u ta pfa u xi kamba leswaku u ta xi khutaza nileswaku dyondzo yi nga sungula nkarhi wun’wana ni wun’wana loko se xi tiyimiserile ku cinca
HLALELANI VHIDIYO KUTANI MI HLAMULA SWIVUTISO LESWI LANDZELAKA:
-
Bulo leri hi ri voneke eka vhidiyo ri swi kombise njhani leswaku xichudeni a xi nga tiyimiselanga ku cinca vutomi bya xona?
-
Muhuweleri u xi pfune njhani xichudeni xakwe xi xiya leswaku xi fanele xi cinca vutomi bya xona?
-
Muhuweleri u xi kombise njhani xichudeni xakwe leswaku u tiyimiserile ku dyondza na xona loko xi ta lava ku tlhela xi dyondza?