Ku aka tempele ya le Israyele swi koxe swilo swo tala ni mali. Hambiswiritano, Vaisrayele va seketele tsima rero hi ku hiseka. (1Tk 29:2-9; 2Tk 6:7, 8) Endzhaku ka loko tempele yi herile, ndlela leyi Vaisrayele va yi khathaleleke ha yona yi kombise loko va swi hisekela swilo swa moya kumbe va nga swi hisekeli. (2Th 22:3-6; 2Tk 28:24; 29:3) Namuntlha, Vakreste va heta nkarhi ni ku endla matshalatshala yo tala va aka, va basisa ni ku khathalela Tiholo ta Mfumo ni Tiholo ta Tinhlengeletano. Hambiswiritano, ku endla leswi i ntirho wo kwetsima ni lunghelo lerikulu ku tirha na Yehovha hi ndlela leyi.—Ps 127:1; Nhl 7:15.

• Basisa loko minhlangano yi hela. Loko swiyimo swi nga ku pfumeleli, susa thyaka leri nga ekusuhi na wena.

• Va kona loko ku basisiwa Holo ya Mfumo ni loko yi lunghisiwa. Ntirho wu chava mavoko naswona sweswo swi endla leswaku mi wu endla mi tsakile.—lv 92-93 ¶18.

• Nyikela hi mali. Hambiloko mali ya kona yi ri yitsongo, loko yi huma embilwini yi tsakisa Yehovha.—Mr 12:41-44.

•  Pfuneta loko ku akiwa ni loko ku lunghisiwa tindhawu ta vugandzeri loko swiyimo swa wena swi ku pfumelela. A swi kali swi lava leswaku u va ni vuswikoti byo aka leswaku u pfuneta