MAHANYELO YA VAKRESTE
Hlawula Ku Tirhela Yehovha
Loko u ri muntshwa la nga Mukreste kumbe xichudeni xa Bibele, xana wa swi lava ku khuvuriwa? Hikwalahokayini u fanele u khuvuriwa? Ku tinyiketela ni ku khuvuriwa swi endla leswaku munhu a va ni vuxaka byo hlawuleka na Yehovha. (Ps 91:1) Swi nga ku ponisa. (1Pe 3:21) I yini leswi u faneleke u swi endla?
Tiyiseka leswaku leswi u swi dyondzaka i ntiyiso. Loko u ri na swivutiso, endla ndzavisiso. (Rhm 12:2) Kumisisa laha u nga antswisaka kona naswona u tiyimisela ku endla swilo leswi tsakisaka Yehovha. (Swiv 27:11; Ef 4:23, 24) Nkarhi ni nkarhi, khongela eka Yehovha leswaku a ku pfuna. Tiyiseka leswaku Yehovha u ta ku tiyisa ni ku ku seketela hi ku tirhisa moya wakwe wo kwetsima. (1Pe 5:10, 11) U nga ma tekeli ehansi matshalatshala lama u ma endlaka, i ya nkoka. Loko u hlawula ku tirhela Yehovha, u hlawule ndlela leyinene ya vutomi!—Ps 16:11.
HLALELANI VHIDIYO LEYI NGE, MATITWELO YA VONA HI NKHUVULO KUTANI MI HLAMULA SWIVUTISO LESWI LANDZELAKA:
-
Hi yihi mintlhontlho leyi van’wana va langutaneke na yona leswaku va khuvuriwa?
-
I yini lexi u nga xi endlaka leswaku u va ni ripfumelo leri nga ku pfunaka leswaku u tinyiketela eka Yehovha?
-
I yini leswi khutazeke van’wana leswaku va endla leswi nga va pfunaka leswaku va khuvuriwa?
-
Hi yihi mikateko leyi kumiwaka hi lava hlawulaka ku tirhela Yehovha?
-
Ku tinyiketela ni ku khuvuriwa swi vula yini?
