Hikwalahokayini u fanele u byela vatswari va wena ndlela leyi u titwaka hayona? (Swiv 23:26) Hikuva Yehovha u va nyike vutihlamuleri byo ku wundla ni ku ku kongomisa. (Ps 127:3, 4) Swi ta va tikela ngopfu leswaku va ku pfuna loko u va tumbetela leswi u langutanaka na swona. Nakambe, u ta kayela ku twa mitokoto leyi nga ku pfunaka leyi va nga na yona. Xana swi hoxile ku miyela mikarhi yin’wana? A swi tano kambe u fanele u tivonela leswaku u nga xisi vatswari va wena.—Swiv 3:32.

U nga vulavula njhani ni vatswari va wena? Hlawula nkarhi lowunene lowu mi nga bulaka ha wona. Loko sweswo swi ku tikela, u nga ha tsalela un’we papila u hlamusela ndlela leyi u titwaka hayona. Ku vuriwa yini loko va lava mi bula hi mhaka leyi u nga laviki ku bula hi yona? Tsundzuka leswaku va lava ku ku pfuna. Va teke tanihi vanghana ku nga ri valala. Matshalatshala lama u ma endlaka yo chumbutela vatswari va wena ta le mbilwini, ma ta ku vuyerisa swinene vutomi bya wena hinkwabyo.—Swiv 4:10-12.

HLALELANI VHIDIYO LEYI NGE, VUNTSHWA BYA MINA—NDZI NGA VULAVULA NJHANI NI VATSWARI VA MINA? KUTANI MI HLAMULA SWIVUTISO LESWI LANDZELAKA:

• I yini leswi Esther na Partik va swi xiyeke?

• U dyondza yini eka xikombiso xa Yesu?

• Vatswari va wena va swi kombisa njhani leswaku vakhathala hi wena?

• Hi yihi misinya ya milawu leyi nga ku pfunaka leswaku u kota ku vulavula ni vatswari va wena?