Leswaku swichudeni swa Bibele swi va ni vuxaka na Yehovha swi fanele swi hlawula vanghana lavanene. (Ps 15:1, 4) Vanghana lavanene va ta swi pfuna leswaku swi endla leswinene.—Swiv 13:20; lff dyondzo 48.

Swi twele vusiwana swichudeni swa wena swa Bibele loko u swi pfuna ku papalata vanghana vo biha. Swi nga ha swi tikela ku tshika ku tihambanisa ni vanghana va swona lava nga riki timbhoni. Kombisa leswaku wa khathala hi swona hambiloko mi nga ri eku dyondzeni. U nga ha swi tsalela rungula, u swi fonela kumbe u swi endzela. Loko swichudeni swa wena swi endla nhluvuko, swi rhambe loko mi ri ni swinkhubyana ni vamakwerhu. Kutani swi ta swi vona leswaku ku fa ka yin’wana i ku pfuka ka yin’wana, swi ta tiphina swinene. (Mr 10:29, 30) Na wena u ta tsaka loko u vona ndyangu wa Yehovha wu ya wu kula.

HLALELANI VHIDIYO LEYI NGE, PFUNA SWICHUDENI SWA WENA SWA BIBELE LESWAKU SWI PAPALATA VANGHANA VO BIHA KUTANI MI HLAMULA SWIVUTISO LESWI LANDZELAKA:

• Vanghana vo biha i vanhu va njhani?—1Ko 15:33

• Xiluva a a ehleketa leswaku xi ta va xi ri njhani xinkhubyana xa timbhoni?

• Rhulani u n’wi pfune njhani Xiluva leswaku a tshika ku va ni vanghana vo biha?