Hi lava ku tsakisa Yehovha eka hinkwaswo leswi hi swi endlaka. (Swiv 27:11) Leswaku hi endla sweswo, hi fanele hi teka swiboho leswi fambisanaka ni mianakanyo yakwe hambiloko ku ri hava nawu kumbe xileriso lexi hi kongomisaka. I yini lexi nga hi pfunaka leswaku hi endla sweswo?

Dyondza Bibele nkarhi na nkarhi. Nkarhi wun’wana ni wun’wana loko hi dyondza Bibele swi fana ni loko hi heta nkarhi na Yehovha. Hi nga dyondza ndlela leyi Yehovha a ehleketaka hayona hi ku xiya ndlela leyi a khomeke vanhu vakwe ni ku kambisisa swikombiso swa vanhu lava endleke swilo leswinene ni swo biha ematihlweni yakwe. Loko hi fanele hi teka xiboho, moya lowo kwetsima wu nga hi pfuna ku tsundzuka tidyondzo ta nkoka ni milawu leyi hi yi dyondzeke eRitweni ra Xikwembu.—Yh 14:26.

Endla ndzavisiso. Loko u fanele u teka xiboho, tivutise, ‘Hi tihi tindzimana kumbe timhaka ta le Bibeleni leti nga ndzi pfunaka ku twisisa ndlela leyi Yehovha a titwaka ha yona hi mhaka leyi?’ Kombela mpfuno eka Yehovha ni ku tirhisa switirhisiwa swo endla ndzavisiso leswaku swi ku pfuna ku kuma ni ku tirhisa milawu ya Bibele leyi pfunaka exiyin’weni xa wena.—Ps 25:4.

HLALELANI VHIDIYO LEYI NGE, “HI FANELE HI TSUTSUMA HI KU TIYISELA”—DYANA SWAKUDYA LESWI NGA NI RIHANYO KUTANI MI HLAMULA SWIVUTISO LESWI LANDZELAKA:

• Hi yihi mintshikilelo leyi kmuntshwa loyi a a langutane na yona?

  Your answer

• U nga swi tirhisa njhani switirhisiwa swo endla ndzavisiso leswaku u langutana ni mintshikilelo leyi fanaka?

  Your answer

• Ku tinyika nkarhi wo endla ndzavisiso ni dyondzo ya munhu hi yexe swi hi pfuna njhani leswaku hi endla swiboho leswinene?—Hev 5:13, 14

  Your answer