Lembe ni lembe, vanhu va Yehovha va swi langutela hi mahlongati ku va swin’we eXitsundzuxweni. Eka mavhiki ya le mahlweni ni le ndzhaku ka Xitsundzuxo, hi tirhisa mikarhi yo hlawuleka leswaku hi dzunisa ni ku khensa Yehovha hikwalaho ka nyiko ya nkutsulo. (Ef 1:3, 7) Hi xikombiso, hi rhamba van’wana eXitsundzuxweni. Van’wana va teka vuphayona bya nkarhinyana va tirha 30 kumbe 50 wa tiawara hi March kumbe April. Xana u nga tsakela ku engetela nkarhi wa wena ensin’wini hi nguva leyi ya Xitsundzuxo? I yini lexi nga ku pfunaka ku endla leswi?

Hakanyingi, hi nga endla swo tala loko hi hlela ka ha ri emahlweni. (Swiv 21:5) Leswi nguva ya Xitsundzuxo yi tshinelaka hi ku hatlisa, sweswi i nkarhi wo sungula ku endla malunghiselelo. Kambisisa ndlela leyi u tsakelaka ku ndlandlamuxa ntirho wa wena wa nsimu hi nguva ya Xitsundzuxo kutani u ehleketa hi leswi u nga swi endlaka leswaku u fikelela swikongomelo swa wena. Kutani u kombela Yehovha a katekisa ku tikarhata ka wena.—1Yh 5:14, 15.

Xana u nga ehleketa hi tindlela tin’wana leti u nga ndlandlamuxaka ntirho wa wena wa nsimu hi nguva ya Xitsundzuxo?