Yehovha u pfune swisiwana eIsrayele wa khale. Hi tihi tindlela tin’wana leti a pfunaka vanhu vakwe lava nga swisiwana namuntlha?

• U va dyondzise ku va ni langutelo lerinene hi mali.—Lk 12:15; 1Tm 6:6-8

• U va pfune leswaku va va ni xindzhuti.—Yb 34:19

• U va dyondzise ku tirha hi matimba ni ku papalata swilo leswi nga ta va twisa ku vava. —Swiv 14:23; 20:1; 2Ko 7:1

• U va endle va va nyandza yin’we ni Vakreste lava nga ni rirhandzu.—Yh 13:35; 1Yh 3:17, 18

• U va endla va va ni ntshembo.—Ps 9:18; Esa 65:21-23

Hambi swiyimo swa hina swo tika njhani, a hi fanelanga hi chava. (Esa 30:15) Yehovha u ta hi nyika leswi hi swi pfumalaka, ntsena loko hi ya emahlweni hi rhangisa Mfumo wakwe. —Mt 6:31-33.

HLALELANI VHIDIYO LEYI NGE, RIRHANZU A RI HELI KU NGA KHATHARISEKI . . . VUSWETI—CONGO KUTANI MI HLAMULA SWIVUTISO LESWI LANDZELAKA:

• Vamakwerhu lava tshamaka ekusuhi ni laha tinhlengeletano ta xifundzha ti khomeriwaka kona va swi kombise njhani leswaku va ni malwandla eka vamakwerhu lava humaka etindhawini ta le kule?

• Vhidiyo leyi yi hi dyondzisa yini hi ndlela leyi Yehovha a rhandzaka swisiwana ha yona?

• Hi nga n’wi tekelela njhani Yehovha ku nga khathariseki leswaku hi fuwile kumbe hi swerile?