Swi lava ripfumelo leswaku u rhurha endhawini leyi u yi toloveleke u ya endhawini yin’wana leswaku u ndlandlamuxa ntirho wa wena wa nsimu. (Hv 11:8-10) Loko u ehleketa hi ku rhurhela laha ku nga ni xilaveko lexikulu, vulavula ni vakulu. I yini leswi u nga swi endlaka ku tiva loko u ta swi kota ku ya laha ku nga ni xilaveko? Languta mikandziyiso leyi vulavulaka hi ku rhurhela laha ku nga ni xilaveko lexikulu. Vulavula ni lava swi koteke ku rhurhela evandlheni rin’wana leswaku va ya pfuneta. (Swiv 15:22) Khongela eka Yehovha u kombela nkongomiso. (Yk 1:5) Endla ndzavisiso hi ndhawu leyi u lavaka ku ya eka yona naswona loko swi koteka, u nga ha yi endzela masikunyana u nga si endla xiboho.

HLALELANI VHIDIYO LEYI NGE, VANA NI RIPFUMELO LOKO U—RHURHELA LAHA KU NGA NI XILAVEKO KUTANI MI HLAMULA XIVUTISO LEXI LANDZELAKA:

• Hi kwihi ku cinca loku Gabriel a a fanele a ku endla naswona u pfune hi yini?