Hi September, hi ta endla matshalatshala yo byela vanhu leswaku i Mfumo wa Xikwembu ntsena lowu nga ta tlhantlha swiphiqo swa vanhu. (Mt 24:14) U nga katseka njhani? Hlawula tsalwa leri vulavulaka hi Mfumo wa Xikwembu kutani u ri hlayela vanhu vo tala hilaha u nga kotaka hakona n’hweti leyi. Loko un’wana a kombisa leswaku wa swi tsakela ku dyondza, n’wi nyike nkandziyiso wa Xihondzo xo Rindza No. 2 2020. N’wi endzele hi xihatla kutani u ringeta ku sungula dyondzo ya Bibele hi ku tirhisa broxara ya Tiphine Hi Vutomi Hilaha Ku Nga Heriki! Lava tirhaka tanihi Maphayona ya nkarhinyana hi n’hweti leyi ya September, va nga hlawula ku tirha 15 kumbe 30 wa tiawara.

Mfumo wa Xikwembu ku nga ri khale wu ta herisa valawuri hinkwavo lava lwisanaka na wona. (Dn 2:44; 1Ko 15:24, 25) Onge hinkwerhu hi nga katseka eka ntirho lowu wo hlawuleka, lowu kombisaka leswaku hi seketela Yehovha ni Mfumo wakwe!