Swilo leswi hi nga tiyimiselaka ku swi fikelela swi katsa nchumu wun’wana ni wun’wana lowu hi wu tirhelaka hi matimba leswaku hi ta kota ku tirhela Yehovha hi ku helela hi tlhela hi endla leswaku a tsaka. Swi hi pfuna leswaku hi va Vakreste lava wupfeke naswona swa fanela leswaku hikwalaho ka swona hi tirhisa nkarhi ni matimba ya hina. (1Tm 4:15) Hikwalahokayini hi fanele hi kambela swilo leswi hi lavaka ku swi fikelela? Hikuva swiyimo swa cinca. Leswi a hi lava ku swi fikelela swi nga ha endleka swi nga ha koteki kumbe hi nga va se hi swi fikelerile naswona hi nga tivekela swin’wana swo swi fikelela.

Nkarhi wa kahle wo kambela swilo leswi u lavaka ku swi fikelela hi loko ku nga se sungula lembe lerintshwa ra ntirho. Hikwalahokayini mi nga buli hi mhaka leyi hi nkarhi wa vugandzeri bya ndyangu naswona un’wana ni un’wana a tivekela leswi a lavaka ku swi fikelela ni leswi ndyangu wu lavaka ku swi fikelela?

I yini leswi u lavaka ku swi fikelela eka leswi nga xaxametiwa laha naswona i yini leswi u nga swi endlaka leswaku u swi fikelela?