Valanguteri va miganga ni vasati va vona va va tirhela hi rirhandzu vamakwerhu. Ku fana na hina, va ni swilaveko naswona mikarhi yin’wana va langutana ni ku karhala, ku hela matimba ni ntshikilelo. (Yk 5:17) Nilokoswiritano, vhiki ni vhiki va tiyimisela ku khutaza vamakwerhu emavandlheni lama va ma endzelaka. Hakunene valanguteri va miganga “va fanele va xiximiwa swinene.”—1Tm 5:17.

Loko muapostola Pawulo a lunghiselela riendzo rakwe ro ya eRhoma leswaku a ya nyika mavandlha ‘tinyiko to karhi ta moya,’ a a swi langutele hi mahlongati ku ya “khutazana” na vona. (Rhm 1:11, 12) Xana u tshama u ehleketa hi ndlela leyi u nga khutazaka mulanguteri wa muganga ni nsati wakwe, loko ku ve u ni nsati?

HLALELANI VHIDYO LEYI NGE, VUTOMI BYA MULANGUTERI WA MUGANGA KUTANI MI HLAMULA SWIVUTISO LESWI LANDZELAKA:

• Valanguteri va miganga ni vasati va vona va swi kombisa njhani leswaku va ri tirhela hi rirhandzu vandlha?

  Your answer

• Xana u vuyeriwe njhani hikwalaho ka matshalatshala ya vona?

  Your answer

• Hi nga va khutaza njhani?

  Your answer