August 5-11

LESWI HI SWI DYONDZAKA EBIBELENI

1. “Byela Lava Nga Ta Va Kona” Hi Matimba Ya Xikwembu

(10 min.)

Davhida u vone nsirhelelo wa Yehovha loko a ha ri muntshwa (Ps 71:5; w99 9/1 18 ¶17)

Davhida u vone nseketelo wa Yehovha loko a dyuharile (Ps 71:9; g04 10/8 17 ¶3)

Davhida u khutaze vantshwa hi ku va byela hi mitokoto yakwe (Ps 71:17, 18; w14 1/15 23 ¶4-5)

TIVUTISE, ‘Hi wihi makwerhu loyi ku nga khale a ri eVandlheni loyi ndzi nga tsakelaka ku burisana na yena hi nkarhi wa Vugandzeri Bya Ndyangu bya nimadyambu?’’

2. Endla Ndzavisiso

(10 min.)

Ps 72:8—Xana leswi Yehovha a swi tshembiseke Abrahama eka Genesa 15:18 swi hetiseke njhani hi nkarhi wa ku fuma ka Hosi Solomoni? (it-1-E 768)

Nhlamulo ya wena
I yini leswi u swi dyondzeke eka ku hlaya ka Bibele ka vhiki leri leswi u nga tsakelaka ku hi byela swona?

Nhlamulo ya wena

3. Ku Hlayiwa Ka Bibele

(4 min.) Ps 71:1-24(th dyondzo 5)

NDZETELO WA NTIRHO WO CHUMAYELA

4. Ku Sungula Mabulo

(3 min.) YINDLU NI YINDLU. Loko munhu loyi u bulaka na yena a sungula ku ku holovisa, tsema bulo hi ndlela leyinene. (lmd dyondzo 4 yinhla 5)

5. Ku Landzelerisa

(4 min.) KU CHUMAYELA HI XITSHUKETA. Yisa emahlweni bulo leri u veke na rona ni xaka ra wena enkarhini lowu nga hundza leri kanakanaka ku dyondza Bibele. (lmd dyondzo 8 yinhla 4)

6. Ku Hlamusela Leswi U Pfumelaka Eka Swona

(5 min.) Mbulavulo. ijwfq 49—Nhlokomhaka: Hikwalahokayini Timbhoni Ta Yehovha Ti Cince Swin’wana Swa Leswi A Ti Pfumela Eka Swona? (th dyondzo 17)

MAHANYELO YA VAKRESTE

7. Swiringanyeto Swa Vugandzeri Bya Ndyangu

(15 min.) Bulo ni vayingiseri.

Vugandzeri Bya Ndyangu bya nimadyambu i nkarhi wa nkoka eka vana wo dyondza hi ‘swileriso swa Yehovha ni ku tshinyiwa hi yena.’ (Efe 6:4) Ku dyondza swi lava ku tikarhata kambe swona swa tsakisa, ngopfungopfu loko vana va ya emahlweni va navela ku tiva Ntiyiso Wa Bibele. (Yoh 6:27; 1 Pet 2:2) Pfuxetani bokisi ra “ Swiringanyeto Swa Vugandzeri Bya Ndyangu” leri nga pfunaka vatswari va endla vugandzeri bya ndyangu bya nimadyambu, byi va lebyi pfunaka byi tlhela byi tsakisa kutani mi bula hi swivutiso leswi:

Eka swiringanyeto leswi, hi swihi leswi u nga tsakelaka ku swi ringeta?

Nhlamulo ya wena
Xana u kume swin’wana leswi nga pfunaka?

Nhlamulo ya wena

SWIRINGANYETO SWA VUGANDZERI BYA NDYANGU

BIBELE:

Yingiselani ku hlayiwa ka Bibele ka vhiki ni vhiki loku rhekhodiweke kumbe mi cincana ku yi hlaya, mi yi hlayela ehenhla. Xirho ha xin’we xa ndyangu xi nga hlaya marito lama vuriweke hi ximunhuhatwa xo karhi xa le Bibeleni
Lunghiselela swivutiso leswi humaka eka ku hlayiwa ka Bibele ka vhiki ni vhiki. Kombela xirho ha xin’we xa ndyangu ku hlawula xivutiso xin’we ivi xi endla ndzavisiso. Kutani mi bula hi leswi va swi dyondzeke
Tana ni xivutiso kumbe u hlamusela mhaka yo karhi kutani mi endla ndzavisiso ku kuma misinya ya milawu ya Matsalwa ya Mahanyelo ya Vakreste leyi nga tirhaka
Endlani xikece hi xiphemu xo karhi xa le Bibeleni
Tsala ndzimana yo karhi ya Bibele ekhadini vhiki ni vhiki kambe u fanele u tirhisa tindzimana to hambanahambana, to fana ni leti nga eka xiengetelo A eka broxara leyi nge Rhandza Vanhu—Endla Vadyondzisiwa, kutani ringetani ku tsundzuka ndzimana yoleyo. Pfuxetani makhadi ya mavhiki lama hundzeke
Dyondzani xiphemu xa buku leyi nge, Tiphine Hi Vutomi Hilaha Ku Nga Heriki!
Hlawula swirho swa ndyangu leswi nga ta nyika xiviko eka tin’wana ta tinhlokomhaka ta ntlhandlamano eka “Swivutiso Leswi Hlamuriwaka Hi Bibele” kumbe “Tinhlamuselo Ta Tivhese Ta Bibele,” leti kumekaka eka xiyenge lexi nge, “TIDYONDZO TA BIBELE” eka jw.org

TINHLENGELETANO:

Lunghiselelani xiphemu xa tinhlengeletano ta vandlha
Lunghiselelani mi tlhela mi praktisa tinhlamulo. Mi xalamukela ni nkarhi
Praktisani tinsimu ta Mfumo
Bulani mi tlhela mi praktisa leswi mi nga swi vulaka ku khutaza un’wana loko tinhlengeletano leti landzelaka ti nga si sungula kumbe endzhaku ka tona
Praktisani nkombiso lowu xirho xa ndyangu xi nga ta va na wona ku nga ri khale eka tinhlengeletano ta le xikarhi ka vhiki

KU CHUMAYELA:

Lunghiselelani ku ya chumayela hi yindlu ni yindlu
Lunghiselelani ku ya endla maendzo yo vuyela
Tiehlekete u ri karhi u chumayela hi xitshuketa kutani u praktisa ndlela yo sungula mabulo hi ndlela ya xinghana
Bulani hi leswi mi nga swi endlaka loko swikolo swi pfarile kumbe loko mi kume nkarhi wo wisa entirhweni, leswaku mi antswisa ndlela ya n’wina yo chumayela hi nkarhi wa Xitsundzuxo

SWILAVEKO SWA NDYANGU:

Vanani ni nkarhi lowu mi nga ta praktisa leswi mi nga swi endlaka loko ko va na xiyimo xo karhi xo tanihi leswi khumbaka ku nga katseki eka swa tipolitiki, ku xanisiwa, ku rhandzana kumbe ku tlangela tiholideyi
Vanani ni nkarhi wo praktisa, laha eka wona vatswari va nga ha va ka vana kutani vana va va vatswari. Vana va endla ndzavisiso hi nhlokomhaka yo karhi kutani va burisana hayona ni vatswari va vona

SWIRINGANYETO SWIN’WANA:

Hlalelani nongonoko wa Vuhaxi bya JW^® mi tlhela mi bula hi byona
Hlayani nhlokomhaka yo karhi kumbe mi hlalela vhidiyo eka jw.org kutani mi bula hi yona
Kambisisani swin’wana eka xiyenge lexi nge “Teens & Young Adults” kumbe “Children” leswi kumekaka eka “TIDYONDZO TA BIBELE” eka jw.org
Pfuxetani leswi mi swi dyondzeke eka nhlengeletano ya muganga kumbe ya xifundzha
Xiyisisani kumbe mi endla ndzavisiso hi swin’wana swa leswi Yehovha a swi tumbuluxeke kutani mi bula hi leswi swi hi dyondzisaka swona hi Yena.
Mikarhi yin’wana mi nga rhamba makwerhu un’wana kutani mi va ni mbulavurisano na yena
Vanani ni leswi mi lavaka ku swi fikelela entirhweni wa Yehovha kutani mi bula hi ndlela leyi mi nga swi fikelelaka hayona
Ringetani ku aka nchumu lowu fanaka ni ngalava ya Nowa kumbe mi dyondza hi yin’wana ya mimepe ni tichati leswi kumekaka eka Vuhundzuluxeri Bya Misava Leyintshwa ku katsa ni mikandziyiso ya hina mi ri swin’we

Tlanga VHIDIYO Yanani Emahlweni Mi Antswisa Vugandzeri Bya N’wina Bya Ndyangu. Kutani u vutisa vayingiseri xivutiso lexi:

I yini leswi wanuna a nga swi endlaka leswaku nsati wakwe a tiphina hi vugandzeri bya ndyangu loko ku nga ri na vana?

Nhlamulo ya wena

8. Dyondzo Ya Bibele Ya Vandlha

(30 min.) bt ndz. 13 ¶17-24

Marito Yo Pfala (3 min.) | Risimu 123 Ni Xikhongelo

MAHANYELO NI NTIRHO WA HINA WO CHUMAYELA–XIBUKWANA XA NHLENGELETANO

Mahanyelo Ni Ntirho Wa Hina Wo Chumayela Xiyimiso Xa August 5-11, 2024

Xitsonga

Mahanyelo Ni Ntirho Wa Hina Wo Chumayela Xiyimiso Xa August 5-11, 2024

https://cms-imgp.jw-cdn.org/img/p/202024246/univ/art/202024246_univ_sqr_xl.jpg

mwb24 July matl. 10-16

Timbhoni Ta Yehovha

August 5-11

PISALEMA 70–72

Risimu 59 Ni Xikhongelo | Marito Yo Pfula (1 min.)

LESWI HI SWI DYONDZAKA EBIBELENI