LESWI HI SWI DYONDZAKA EBIBELENI | YOBO 1-5
Yobo U Tshame A Tshembekile Hambiloko A Ringiwa
Yobo a a tshama eUzha hi nkarhi lowu Vaisrayele a va ri mahlonga aEgipta. Hambileswi a nga ri Muisrayele, Yobo a a tirhela Yehovha hi ku tshembeka. A a ri ni ndyangu lowukulu, a fuwile swinene naswona a xiximiwa emugangeni wa ka vona. A a ri mutsundzuxi loyi a xiximiwaka swinene naswona a ri muavanyisi loyi a nga riki na xihlawuhlawu. A a ri ni malwandla eka swisiwana. Yobo a ri munhu wo tshembeka.
Yobo u swi kombisile leswaku Yehovha i Munhu wa nkoka swinene evuton’wini byakwe
-
Sathana u ku xiyile ku tshembeka ka Yobo. A a nga kanetanga leswaku Yobo a a yingisa Yehovha, ku ri na sweswo u sole xikongomelo xa ku tshembeka kakwe
-
Sathana u vule leswaku Yobo u tirhela Yehovha hileswi a lavaka ku kuma swo karhi
-
Leswaku Yehovha a tlhantlha xiphiqo lexi, u pfumelele Sathana leswaku a hlasela wanuna loyi wo tshembeka. Sathana u hlasele Yobo hi tindlela to hambanahambana
-
Loko Yobo a tama a ha tshembekile, Sathana u sole ku tshembeka ka vanhu hinkwavo
-
Yobo a nga dyohanga kumbe ku hehla Xikwembu
