LESWI HI SWI DYONDZAKA EBIBELENI | YOBO 6-10
Yobo Wo Tshembeka U Phofule Maxangu Yakwe
Yobo a nga ha ri na nchumu, a ha ku feriwa hi vana vakwe naswona a vabya swinene, kambe u tshame a tshembekile. Sathana u ringete ku n’wi heta matimba leswaku a tshika ku tshembeka. “Vanakulobye” vakwe vanharhu va n’wi endzerile. Eku sunguleni va swi kombisile leswaku va rila na yena. Kambe va tshame na yena masiku ya nkombo va nga n’wi chaveleli. Kutani endzhaku va n’wi hehle hi swilo swo tala.
Yobo u tshame a tshembekile eka Yehovha hambileswi a langutaneke ni maxangu yo tala
-
Gome lerikulu leri Yobo a veke na rona ri endle leswaku a va ni langutelo leri hoxeke. Hi xihoxo u vule leswaku Xikwembu a xi na mhaka hambiloko a tshama a tshembekile
-
Hikwalaho ka leswi a a hele matimba, Yobo a nga ha anakanyanga hi swivangelo swin’wana leswi endleke leswaku a xaniseka
-
Hambileswi a veke ni gome lerikulu, Yobo u hambete a vulavula ni vahehli vakwe hi ndlela leyi a rhandzaka Yehovha ha yona
