Broxara leyi nge I Vamani Lava Endlaka Ku Rhandza Ka Yehovha Namuntlha? yi endleriwe ku yi dyondza ni swichudeni swa Bibele eku sunguleni kumbe emakumu ka dyondzo yin’wana ni yin’wana. * Dyondzo 1 ku ya eka 4 ti endleriwe leswaku swichudeni swi hi tiva kahle, kasi dyondzo 5 ku ya eka 14 ti endleriwe ku swi pfuna ku dyondza hi mintirho ya hina naswona dyondzo 15 ku ya eka 28 ti swi komba ndlela leyi nhlengeletano ya hina yi tirhaka ha yona. I swa nkoka ku kambisisa tidyondzo hi ku landzelelana ka tona handle ka loko xichudeni xi lava ku tiva swo karhi hi nkarhi wolowo. Dyondzo yin’wana ni yin’wana yi helela eka tluka rin’we naswona yi nga dyondziwa ni swichudeni hi timinete ta ntlhanu ku ya eka ta khume.

• Bulani hi xivutiso lexi nga eku sunguleni ka dyondzo

• Hlayani dyondzo hinkwayo kumbe hi swiyenge

• Bulani hi leswi mi swi hlayeke. Kambisisani swivutiso leswi nga ehansi ka tluka ni swifaniso. Hlayani mi tlhela mi bula hi matsalwa loko swi fanerile. Kandziyisa leswaku swihlokwana leswi tsariweke hi marito yo dzwihala swi hlamula xivutiso xa nhlokomhaka ya dyondzo

• Loko ku ri ni bokisi leri nge “Kuma Leswi Engetelekeke,” ri hlayeni kutani u khutaza xichudeni xa wena leswaku xi landzelela xiringanyeto lexi nga eka rona