• Tirhisa adirese ya laha u tshama kona. Loko u vona onge swi nga ha ku hoxa ekhombyeni ku endla tano, yana eka vakulu u kombela ku tirhisa adirese ya le Holweni ya ka n’wina. Kambe u nga yi tsali NIKATSONGO adirese ya rhavi leswaku loko va ku hlamula va rhumela eka yona.

• Loko u n’wi tiva loyi u n’wi tsalelaka tirhisa vito ra yena. Leswi swi ta n’wi endla a swi xiya leswaku papila leri a hi ra xinavetiso.

• Landzela milawu ya ririmi loko u tsala naswona u nga tsali swihoxo. Papila ra wena a ri ve leri baseke. Loko u tsala hi voko, tsala swi vonaka kahle. Tsala hi ndlela ya xinghana kambe leyi xiximekaka.

Xikombiso lexi xa matsalelo ya papila xi kombisa leswi. U nga kopi swilo leswi fanaka mikarhi hinkwayo loko u tsalela vanhu va le nsin’wini ya ka n’wina mapapila. Tsala mapapila ya wena hi ku ya hi swilaveko ni swiyimo swa le nsin’wini ya ka n’wina.