Swilo swo dyondzisa swi koka rinoko ni ku pfuna xichudeni leswaku xi twisisa ni ku tsundzuka leswi xi swi dyondzeke. Yehovha Muleteri wa hina Lonkulu u tirhise swilo leswi vanhu va swi vonaka loko a dyondzisa tidyondzo ta nkoka swinene. (Gn 15:5; Yr 18:1-6) Yesu Mudyondzisi Lonkulu na yena u swi tirhisile. (Mt 18:2-6; 22:19-21) Xin’wana xa swilo swo dyondzisa lexi ti kombeke xi pfuna swinene manguva lawa i vhidiyo. Xana wa ti tirhisa tivhidiyo loko u dyondzisa swichudeni swa wena swa Bibele?

Hi ni tivhidiyo ta khume leti nga hi pfunaka eku dyondziseni ka tidyondzo leti nga eka broxara leyi nge Mahungu Lamanene Lama Humaka Eka Xikwembu! Vhidiyo ha yin’we yi fambisana ni xivutiso lexi dzwihatiweke lexi nga eka broxara leyi. Kambe eka broxara leyi nga eka jw.org®, tidyondzo leti nga ni tivhidiyo ti ni tilinki ta vhidiyo leyi fambisanaka ni dyondzo ha yin’we. Nakambe ku ni tivhidiyo tin’wana leti fambisanaka ni tibuku to hambanahambana leti nga eka Switirhisiwa Swo Pfuna Ku Dyondza Bibele.

Xana u dyondza ni xichudeni xa wena xa Bibele dyondzo leyi u vonaka onge swi ta xi tikela ku yi twisisa? Kumbe xichudeni xa wena xi karhi xi lwisana ni ndzingo wo karhi? Nghena eka jw.org ni le ka Vuhaxi Bya JW u lava vhidiyo leyi nga xi pfunaka. Kumbexana u yi hlalela swin’we na xona, loko yi hela u burisana na xona ha yona.

N’hweti ni n’hweti ku humesiwa tivhidiyo letintshwa. Loko u ri karhi u ti hlalela, xiyisisa ndlela leyi u nga ti tirhisaka ha yona loko u dyondzisa van’wana.