HIKWALAHO KA YINI SWI RI SWA NKOKA: Vanhu vo tala lava nga voniki va chava ku vulavurisana ni vanhu lava va nga va tiviki. Hikwalaho, hi fanele hi endla matshalatshala leswaku hi chumayela vanhu vo tano. Yehovha wa va rhandza vanhu lava nga voniki. (Lv 19:14) Hi nga tekelela xikombiso xa yena hi ku teka goza ro pfuna vanhu lava nga voniki leswaku va dyondza hi Yehovha.

NDLELA LEYI U NGA SWI ENDLAKA HA YONA:

• ‘Lavisisa’ vanhu lava feke mahlo. (Mt 10:11) Xana u kona loyi u n’wi tivaka loyi ekaya ka vona ku nga ni munhu la feke mahlo? Xana ensin’wini ya n’wina ku ni xikolo kumbe ndhawu leyi ku khathaleriwaka vanhu lava feke mahlo, lava nga tsakelaka mikandziyiso ya vanhu lava nga voniki?

• Va kombe leswaku wa khathala ha vona. Loko u ri ni xinghana ni vanhu lava feke mahlo swi ta va olovela leswaku va vulavula na wena. Sungula mabulo hi swilo leswi vanhu va swi tsakelaka ensin’wini ya ka n’wina

• Nyika munhu loyi a feke mahlo buku leyi nga ta n’wi pfuna ku tiva Yehovha. Leswaku yi pfuna vanhu lava nga ni xiphiqo xa matihlo, nhlengeletano yi humese mikandziyiso leyi va nga kotaka ku tihlayela yona. Rhanga u vutisa ndlela leyi a nga tsakelaka leswaku mi dyondza ha yona. Mulanguteri wa nsimu u fanele a tiyiseka leswaku loko munhu loyi a feke mahlo a lava buku, nandza wa tibuku wa n’wi odela nkandziyiso lowu a wu lavaka