Yehovha, “Xikwembu lexi tsakeke,” u lava hi tiphina loko hi chumayela. (1Tm 1:11) Hi ta tsaka swinene, loko hi ti karhatela ku antswisa vuswikoti bya hina. Ku vutisa swivutiso swi endla munhu a tsakela ku dyondza naswona i ndlela ya kahle yo sungula mabulo. Swivutiso swi pfuna vanhu leswaku va ehleketa ni ku anakanyisisa. (Mt 22:41-45) Loko hi vutisa swivutiso hi tlhela hi yingisela, hi va hi byela loyi hi vulavulaka na yena hi ku ‘U wa nkoka eka mina.’ (Yk 1:19) Swivutiso swi ta hi pfuna ku tiva leswi loyi hi vulavulaka na yena a swi ehleketaka.

HLALELANI VHIDIYO LEYI NGE, TIPHINE HI KU ENDLA VADYONDZISIWA—ANTSWISA VUTSHILA BYA WENA—VUTISA SWIVUTISO KUTANI MI HLAMULA SWIVUTISO LESWI LANDZELAKA:

• Hi byihi vumunhu lebyinene lebyi Xiluva a a ri na byona?

• Rhulani u swi tirhise njhani swivutiso ku kombisa leswaku wa swi tsakela ku vulavula na Xiluva?

• Rhulani u swi tirhise njhani swivutiso leswaku Xiluva a ya a tsakela mahungu lamanene?

• Rhulani u swi tirhise njhani swivutiso leswaku a pfuna Xiluva a ehleketa ni ku anakanyisisa?