Kora, Dathani na Abirama va kombise ku nga tshembeki eka Yehovha hi ku ala ku landzela nkongomiso. Yehovha u va dlayile vaxandzuki volavo ku katsa ni lava va va seketeleke. (Tin 16:26, 27, 31-33) Hi swihi swiyimo leswi nga hi ringaka leswaku hi nga tshembeki eka Yehovha? Hi swihi swikombiso swa le Bibeleni leswi nga hi pfunaka leswaku hi nga tekeleli vanhu lava nga tshembekiki?

HLALELANI VHIDIYO LEYI NGE, U NGA TEKELELI VANHU LAVA NGA TSHEMBEKIKI KUTANI MI HLAMULA SWIVUTISO LESWI LANDZELAKA:

• Hi xihi xiyimo lexi ringeke Nadia naswona hi xihi xikombiso lexi n’wi pfuneke leswaku a tshembeka?

• Hi xihi xiyimo lexi ringeke makwerhu loyi a heleke matimba naswona hi xihi xikombiso lexi n’wi pfuneke leswaku a tshembeka?

• Hi xihi xiyimo lexi ringeke Terrance naswona hi xihi xikombiso lexi n’wi pfuneke leswaku a tshembeka?

• Hi xihi xiyimo lexi ringeke makwerhu exikolweni naswona hi xihi xikombiso lexi n’wi pfuneke leswaku a tshembeka?