Hi ni tivhidiyo ta mune ta dyondzo ya Bibele leti hi ti tirhisaka ensin’wini. Hi xihi xikongomelo xa tivhidiyo leti?

• Vhidiyo leyi nge, Ha Yini U Fanele U Dyondza Bibele? yi endleriwe ku pfuna vanhu ku dyondza Bibele ku nga khathariseki leswi vukhongeri bya vona byi pfumelaka eka swona. Yi khutaza vanhu leswaku va kuma tinhlamulo ta swivutiso swa nkoka eBibeleni naswona yi nyikela tinhlamulo leti twisisekaka leti kumekaka eBibeleni. Yi hlamusela ndlela yo kombela dyondzo ya Bibele.

• Vhidiyo leyi nge, Hayini U Fanele U Dyondza Bibele? ya fana na leyo sungula kambe yona yi komile. Ya pfuna swinene loko u bula ni vanhu lava nga jaha.

• Vhidiyo leyi nge, Leswi Endlekaka Eka Dyondzo Ya Bibele yi endleriwe ku pfuna vanhu leswaku va tsakela dyondzo ya Bibele ya mahala ni ku hlamula swivutiso leswi vanhu va nga na swona mayelana na yona ku katsa ni ku va komba ndlela yo kombela dyondzo ya Bibele.

• Vhidiyo leyi nge, Ha Ku Amukela Eka Dyondzo Ya Wena Ya Bibele yi endleriwe ku komba swichudeni swa Bibele endzhaku ka loko dyondzo yi sunguriwile. Hambileswi vhidiyo leyi yi kombisiweke eka tluka 2 ra buku leyi nge, Tiphine Hi Vutomi Hilaha Ku Nga Heriki! kambe u nga yi komba xichudeni ni le ka broxara ya kona. Vhidiyo leyi yi xaxameta leswi nga endzeni ka buku ni leswi xichudeni xi nga swi langutelaka hi nkarhi wa dyondzo.

Hambileswi vhidiyo ha yin’we yi endliweke hi xivangelo xo karhi, hinkwato ka tona hi nga ha ti komba vanhu kumbe hi va rhumela tona loko swi fanerile. Vahuweleri va khutaziwa leswaku va ti tolovela ni leswaku va ti tirhisa hi xitalo ensin’wini.