Hlaya Bibele ni ndzimana ya siku

Hlaya Buku Ya Lembe, timagazini ni minkandziyiso yin’wana. Tirhisa xiyenge lexi nge bookmark

Lunghiselela minhlangano, ni ku khwatihata tinhlamulo

Hlalela tivhidiyo

Lava matsalwa lama vuriwaka hi xivulavuri. Tirhisa xiyenge lexi history leswaku u tlhelela eka tsalwa

Ematshan’weni yo ta ni minkandziyiso yo tala eminhlanganweni, tirhisa xitirhisiwa xa wena xa elektroniki ku landzelerisisa swiphemu swa minhlangano ni ku yimbelela tinsimu. JW Library yi ni tinsimu letintshwa leti nga si kandziyisiwaka eka buku ya tinsimu

Komba munhu loyi a tsakelaka swin’wana leswi nga eka JW Library kutani u n’wi pfuna leswaku a kopa progreme leyi swin’we ni minkandziyiso eka xitirhisiwa xakwe xa elektroniki

Tirhisa xiyenge lexi nge search leswaku u ta kuma ndzimana ya Bibele. Loko u nga xi kumi xiga eka Vuhundzuluxeri Bya Misava Leyintshwa lebyi pfuxetiweke, yana eka Reference Bible kutani u tlhela u secha

Tlanga vhidiyo. Loko n’wini wa muti a ri ni vana, u nga tlanga yin’wana ya tivhidiyo leti nge Vana Munghana Wa Yehovha. Kumbe u nga n’wi komba vhidiyo leyi nge Ha Yini U Fanele U Dyondza Bibele? leswaku a tsakela dyondzo ya Bibele. Loko munhu a vulavula ririmi rin’wana, n’wi kombe vhidiyo hi ririmi rakwe

Komba munhu tsalwa hi ririmi rin’wana hi ku tirhisa vuhundzuluxeri lebyi u byi kopeke. Yana eka tsalwa, u tlhava nomboro ya rona kutani u tlhava vuhundzuluxeri byin’wana