9:1-7

Anakanya ndlela leyi Yesu a titweke ha yona hi nkarhi wa xivono xa ku hundzuriwa loko a twa Tata wakwe wa le tilweni a n’wi amukela. Leswi swi tiyise Yesu leswaku a kota ku tiyiselela maxangu lawa a ta langutana na wona. Nakambe xivono lexi xi tiyise ripfumelo ra Petro, Yakobo na Yohane, leswaku Yesu a ri Mesiya hakunene naswona a va nga endlanga xihoxo hi ku n’wi yingisa. Endzhaku ka malembe ya kwalomu ka 32, Petro a ha swi tsundzuka leswi endlekeke ni ndlela leyi “rito ra vuprofeta” ri tiyisekisiweke ha yona eka yena.—2Pe 1:16-19.

Hambileswi hi nga xi voniki xivono lexi xo hlamarisa, kambe ha ku vona ku hetiseka ka xona. Yesu wa fuma tanihi Hosi leyi nga ni Matimba. Ku nga ri khale, u ta “hetisa ku hlula ka yena,” kutani a simeka misava leyintshwa ya ku rhula.—Nhl 6:2.

Ku hetiseka ka vuprofeta bya le Bibeleni swi ri tiyise njhani ripfumelo ra wena?