Nawu wa Muxe a wu koxa leswaku wanuna loyi a lavaka ku tshika nsati wakwe a fanele a kuma papila leri nga enawini. Leswi a swi sivela vanhu ku hatlisela ku dlaya vukati. Hambiswiritano, enkarhini wa Yesu, varhangeri va vukhongeri a va endla ku dlaya vukati ku ri mhaka leyi nga vuliki nchumu. Vavanuna a va ta tshika vasati va vona handle ka swivangelo leswi twalaka. (vona tinhla leti engetelekeke ta Mr 10:4, 11 eka nwtsty) Yesu u swi veke erivaleni leswaku musunguri wa vukati i Yehovha. (Mr 10:2-12) Nuna ni nsati a va ta va “nyama yin’we” vutomi bya vona hinkwabyo. Hi ku ya hi rungula ra Matewu, xivangelo xin’we ntsena lexi sekeriweke eMatsalweni xa ku dlaya vukati i “vuoswi.”—Mt 19:9.

Namuntlha, vanhu vo tala vukati a va byi teki hilaha Yesu a byi teka hakona kambe va byi teka ku fana ni Vafarisi. Vanhu lava nga riki Vakreste loko va langutana ni swiphiqo evukatini va tsutsumela ku dlaya vukati. Kambe vatekani lava nga Vakreste va teka swihlambanyo swa vona swa vukati swi ri swa nkoka naswona va tikarhatela ku tlhantlha swiphiqo hi ku tirhisa misinya ya milawu ya le Bibeleni. Endzhaku ko hlalela vhidiyo leyi nge Rirhandzu Ni Xichavo Swi Endla Leswaku Mindyangu Yi Va Ni Vun’we, hlamulani swivutiso leswi landzelaka:

• U nga yi tirhisa njhani Swivuriso 15:1 evukatini bya wena naswona hikwalaho ka yini leswi swi ri swa nkoka?

• U nga swi papalata njhani swiphiqo hi ku tirhisa Swivuriso 19:11?

• Loko u ri ni swiphiqo evukatini, ematshan’weni yo anakanya hi ku dlaya vukati, hi swihi swivutiso leswi u faneleke u tivutisa swona?

• Matewu 7:12 yi nga ku pfuna njhani leswaku u va nuna kumbe nsati lonene?